martes, 5 de mayo de 2026
O vicepresidente primeiro da Xunta, Alfonso Rueda; o conselleiro de Cultura, Educación e Universidade, Román Rodríguez; e o secretario xeral para o Deporte, José Ramón Lete, participaron hoxe na presentación do percorrido pola xeografía galega das 3 últimas etapas de La Vuelta 21, a proba raíña do ciclismo en España, que nesta edición coincidindo co Xacobeo rematará na praza do Obradoiro.
O vicepresidente primeiro destacou a importancia desta competición como escaparate turístico para promocionar o turismo galego e o Camiño de Santiago en todo o mundo debido ao seu impacto mediático. Así, incidiu en que as tres etapas da proba ciclista que acollerá Galicia do 3 ao 5 de setembro permitirán amosar a comunidade en todo o seu esplendor a través das paisaxes da Ribeira Sacra ou as Rías Baixas atravesando tamén lugares de paso das distintas rutas xacobeas e confluíndo no último tramo ata chegar a Santiago de Compostela.
Alfonso Rueda incidiu en que Galicia ofrece todo o que demandan os turistas na actualidade: un turismo tranquilo en espazos abertos e non masificados en contacto coa natureza como os escenarios de La Vuelta 21, que converten a Galicia nun destino, seguro sostible e de calidade e fan que quen visita a comunidade repita. Deste xeito, sinalou que estes valores que identifican o modelo turístico de Galicia e tamén ao Camiño de Santiago se engloban no concepto Galicia Calidade e son os que promocionan os que turistas que visitan a comunidade converténdose nos mellores embaixadores deste destino.
Pola súa banda, o secretario xeral para o Deporte destacou a importancia do ciclismo xa que segundo os últimos datos esgrimidos pola Real Federación Española de Ciclismo, 21 millóns de persoas en España teñen unha bicicleta na súa casa e úsana, mentres que o 90% dos españois saben montar en bicicleta. Tras destacar a importancia do ciclismo na consecución de obxectivos primordiais para o deporte galego como a igualdade e a inclusión, salientou o seu papel na pandemia xa que é unha actividade que achega mobilidade, práctica deportiva ao aire libre e sen aglomeracións e respecto ao medio ambiente.
Nesta edición de 2021 a proba atravesará na súa antepenúltima etapa o 3 de setembro os concellos de Monforte, Lugo e Sarria para continuar polas Rías Baixas desde Sanxenxo a Mos pasando por Pontevedra, Redondela, O Porriño e Baiona deixando para a contrarreloxo individual do domingo 5 de setembro o tramo de Padrón a Santiago de Compostela, para chegar como tódolos peregrinos á porta da Catedral compostelá.
Por iso, no acto de hoxe tamén estiveron presentes os alcaldes de Santiago de Compostela, Padrón, Sanxenxo, Mos, e Monforte de Lemos, municipios de saída e chegada das tres etapas pola comunidade. Ao acto tamén acudiron a directora de Turismo de Galicia, Nava Castro; o director xeral de La Vuelta, Javier Guillén e o presidente da Federación Galega de Ciclismo, Juan Carlos Muñiz.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
