viernes, 6 de noviembre de 2026
No momento actual prepara no Complexo de Regatas de Verducido a súa clasificación os seus sétimos Xogos. Cómpre salientar asemade, a súa carreira académica coa diplomatura en Maxisterio de Educación Física, o grado en Fisioterapia e o grado de Ciencias dos alimentos que está a cursar na actualidade. Ademais, o xeito en que compatibiliza a maternidade co deporte de alto nivel serve a moitos e moitas como motivación para loitar polo que se quere acadar e manda unha mensaxe á sociedade na que o deporte é un compañeiro indisociable en calquera etapa da vida.
A candidatura de Teresa Portela presentada pola Xunta vén avalada por preto de 3.500 votos populares e 175 cartas de apoio. Neste sentido, a Secretaría Xeral para o Deporte quere agradecer a colaboración prestado polos cidadáns, cidadás e institucións que prestaron o seu apoio e colaboraron na candidatura, nomeadamente, a International Canoe Federation, o Consejo Superior de Deportes, a Delegación do Goberno en Galicia, as tres universidades galegas, as catro deputacións provinciais, o Clúster Galego da Industria do Deporte e o Benestar e ás súas empresas asociadas, a AGAXEDE, a FEGAMP, oito federacións deportivas nacionais (Real Federación Española de Piragüismo, Real Federación Española de Hockey, Real Federación Española de Karate y D.A., Real Federación Española de Motonáutica, Real Federación Española de Tenis, Real Federación Española de Vela, Federación Española de Orientación e Federación Esapñola de Pesca y Casting), 56 federacións deportivas galegas (a práctica totalidade), seis agrupacións deportivas (14, A Estrada, Baixo Miño, Terra de Montes, Val do Salnés, Xoga DXT Escolar), 48 concellos galegos (A Laracha, As Pontes, Aranga, Arteixo, Boqueixón, Boiro, Irixoa, Laxe, Melide, Noia, Santiso, Vedra, A Pontenova, Becerreá, Begonte, Folgoso do Courel, Lugo, Monforte, Ourol, Outeiro de Rei, Riotorto, Sober, Viveiro, Allariz, A Rúa, Lobios, Muíños, Nogueira de Ramuín, Ourense, Riós, San Cristovo de Cea, A Estrada, Baiona, Cangas, Cerdedo-Cotobade, Moaña, Mondariz Balneario, Mos, O Porriño, Poio, Ponte Caldelas Pontevedra, Ribadumia, Silleda, Tomiño, Vilaboa), 28 clubs deportivos (Altruán, As Xubias, Breogán, Cabanas KDM, Cambados, Cidade de Lugo, Cobres, Copacabana, Escola Ourensana, Escola Cidade de Pontevedra, Firrete, Fluvial Allariz, Kayak de Mar Ría de Muros-Noia, Kayak Vigo, Marítimo de Redes, Naval de Pontevedra, CP Portonovo, Ribeiras do Tambre, Río Verdugo, Rodeira, San Ciprián, Tambo Marín, Umia, Verducido, Vilagarcía, Totelum-Kayak, Esgrima Coruña) e 11 medios de comunicación (CRTVG, La Voz de Galicia, Faro de Vigo, DXT, El Correo Gallego, La Región, Atlántico Diario, COPE Vigo, Radio Vigo, Radio Pontevedra, e O Dez e Zona Press).
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
