lunes, 6 de abril de 2026
Esa presenza virtual do símbolo do Xacobeo refórzase agora coa visibilidade que lle dá o feito de que o líder de La Vuelta 21 recolla a mascota desde hoxe, cando a oitava etapa remate na Manga do Mar Menor, ata o 5 de setembro, cando finalice a competición na praza do Obradoiro logo de realizar as súas tres últimas etapas por terras galegas.
Coa réplica en peluche de Cunchiña para La Vuelta 21, a Xunta quere aproveitar o reclamo que supón a competición deportiva para a promoción do Xacobeo 21-22 e o Camiño de Santiago, xa que se trata dunha oportunidade única para dar a coñecer a súa paisaxe, o seu patrimonio e a súa gastronomía.
A primeira das etapas en Galicia será o 3 de setembro, cun percorrido que atravesará a Ribeira Sacra por Monforte, Lugo e Sarria. Ao día seguinte, o pelotón percorrerá as Rías Baixas polos concellos de Sanxenxo, Pontevedra, Redondela, O Porriño, Baiona e Mos, para rematar no alto do Castro de Herville. O último día, os corredores sairán de Padrón para rematar a competición en Santiago de Compostela, meta de La Vuelta 21 e de todos os Camiños.
O Banco de España acaba de publicar os datos oficiais de débeda pública correspondentes ao peche do exercicio 2025. Nese período, Galicia reduciu a súa ratio de débeda ata o 13,9 % do seu PIB, o que representa a ratio máis baixa dende 2012. Deste xeito, Galicia situase como a cuarta comunidade autónoma de réxime común con nivel de débeda máis baixa e cun diferencial con respecto á media das CCAA de 6,3 puntos porcentuais. A ratio de débeda das CC.AA. situouse no 20,2 %. Logo do esforzo extraordinario por mor da pandemia, Galicia leva unha senda descendente dos seus ratios de endebedamento. Así, desde a pandemia, ano 2020, reduciu a ratio case seis puntos, pasando de 19,6 % ata o 13,9 %.
A implantación da recollida separada de materia orgánica consolídase como o piar fundamental para que Galicia cumpra cos obxectivos ambientais europeos. Dado que os restos orgánicos representan case o 40 % do lixo doméstico, a súa correcta xestión é a chave para baleirar os vertedoiros e xerar compost de alta calidade que retorne á terra como fertilizante. A día de hoxe, o compromiso galego con este sistema é evidente: 295 concellos xa contan con métodos específicos para os biorresiduos.
