Buscador
Noticias
A Asociación Galega de Cooperativas Agroalimentarias - AGACA- organiza Espacios Efémeros de Emprendemento no marco do proxecto Interreg PocTep LACES, unha actividade na que 17 empresas e emprendedores da economía social de Galicia presentan os seus produtos máis innovadores ao público.
Só poderá admirarse o sábado, 29 de xuño e coa Torre de Hércules como escenario privilexiado. Baixo o nome Luz e Son de Hércules as paredes do monumento servirán de gran pantalla de 36 metros de alto para o espectáculo audiovisual exclusivo que se celebrará como remate do programa do X Aniversario do monumento como Patrimonio da Humanidade, nunha iniciativa organizada polo Consorcio de Turismo e Congresos da Coruña.
O vindeiro día 22 celébrase na Escola Unitaria de Santiago a IV Edición do Fun Fun Fun. Este evento reúne a creadores e artistas de diversas disciplinas ao redor da autoedición. Este ano terán protagonismo, amais da autoedición gráfica e do fanzinismo, outros eidos da creación coma o audiovisual. As actividades comezarán ás 12 horas coa apertura dun mercadiño, que estará aberto durante todo o día, e onde distintos autores, autoras e colectivos poderán expor e vender as súas obras.
Pontedeume acollerá este sábado 22 de xuño a terceira edición da feira Primavera no Camiño Inglés, que volverá a reunir aos dezaoito concellos polos que discorre este itinerario xacobeo nun gran evento organizado pola Deputación da Coruña co obxectivo de promocionar os múltiples atractivos etnográficos, culturais, naturais e gastronómicos desta ruta, que conecta Ferrol e A Coruña con Santiago de Compostela.
A USC ofertará o vindeiro curso 44 graos, dez dobres graos e 66 másteres, nos seus campus de Santiago e Lugo. O reitor Antonio López e a vicerreitora de Titulacións, Victoria Otero Espinar, deron conta en rolda de prensa dos principais indicadores da oferta docente da USC. Entre as novidades, a institución docente incorpora o grao en Robótica e os mestrados en Química na Fronteira entre a Bioloxía e a Ciencia de Materiais, Psicoloxía, e Enxeñaría de Procesado de Alimentos.
Con motivo do día da diversidade sexual, desde a Deputación da Coruña impúlsase a campaña "Liberdade de ser e sentir!", para sensibilizar sobre a importancia da tolerancia e a igualdade das persoas independentemen da súa orientacion sexual e identidade de xénero. Este ano formarán parte da mesma un total 39 concellos da provincia da Coruña. O lema liberdade de ser e sentir! quere ser un berro para reivindicar o dereito á liberdade sexual e á tolerancia das persoas.
Varela Producións, a Compañía de Teatro Social de Blanca Marsillach, viaxará os días 18 e 19 de xuño a Galicia para representar un proxecto de teatro social dirixido a persoas con discapacidade, grazas ao apoio da Xunta de Galicia. Petición de man é unha comedia cunha duración que rolda os 20 minutos enche de situacións absurdas entre unha moza solteira, a súa nai histérica e un pretendente hipocondriaco e moi particular.
Os preto de 70 alumnos dos catro centros educativos de Cangas, Cercedo-Cotobade, O Rosal e Fene que participaron na edición 2018-2019 do programa Cinema en Curso estrearon hoxe no Centro Galego das Artes da Imaxe (CGAI)-Filmoteca de Galicia os filmes que realizaron co acompañamento dos cineastas Ángel Santos, Marcos Flórez, Jaione Camborda e Xacio Baño.
O proxecto xorde como resposta ao feito de que, nas últimas décadas, o patrimonio está a verse afectado por un número crecente de ameazas relacionadas co clima o que plantea novos desafíos para os responsables da súa conservación e xestión. O obxectivo de Shelter é lograr desenvolver un sistema baseado en datos científicos e na alianza e colaboración dos axentes implicados.
As festas de Ourense completan a súa programación. Do sábado 21 ao domingo 30 de xuño, a cidade de Ourense poderá bailar cos 27 concertos para todos os públicos e sensibilidades: desde Neo, a nova banda de Alberto Cereijo e Fernando Calvo, pasando por Izal, The Furious Monkey House, Ramoncín ou Viva Suecia, María do Ceo, a Coral De Ruada e até un concerto infantil de María Fumaça.