Notas de prensa

O Parque Natural do Xurés actuará como laboratorio aberto para un proxecto europeo que estuda o impacto do clima no patrimonio

O proxecto xorde como resposta ao feito de que, nas últimas décadas, o patrimonio está a verse afectado por un número crecente de ameazas relacionadas co clima o que plantea novos desafíos para os responsables da súa conservación e xestión. O obxectivo de Shelter é lograr desenvolver un sistema baseado en datos científicos e na alianza e colaboración dos axentes implicados.

A Consellería de Medio Ambiente, Territorio e Vivenda representará a Galicia no proxecto de investigación europeo Shelter que ten coma principal obxectivo minimizar a vulnerabilidade do patrimonio cultural e natural ante calquera tipo de ameaza relacionada co clima e os riscos naturais. A primeira reunión de traballo dos 24 socios implicados nesta iniciativa celebrouse esta semana en Bilbao, e nela participou a subdirectora de Meteoroloxía e Cambio Climático, María Luz Macho.

No encontro, acordouse que co fin de poder desenvolver o proxecto, as súas posibles aplicacións prácticas validaranse previamente en cinco “laboratorios abertos”, lugares representativos dos principais desafíos climáticos e medioambientais aos que se enfronta Europa e de diferentes tipoloxías de patrimonio.

Unha das localizacións escollidas polos socios participantes foi o parque natural da Baixa Limia-Serra do Xurés, un espazo natural de 30.000 hectáreas situado na provincia de Ourense e moi preto de Portugal. Os outros laboratorios abertos nos que se desenvolverá o proxecto serán a área de Santa Cruz, na cidade italiana de Rávena; o distrito de Seferihisar (Turquía); Dordrecht (Holanda); e o río Sava (entre a República Checa e Croacia).

O proxecto xorde como resposta ao feito de que, nas últimas décadas, o patrimonio está a verse afectado por un número crecente de ameazas relacionadas co clima o que plantea novos desafíos para os responsables da súa conservación e xestión. O obxectivo de Shelter pasa por lograr desenvolver un sistema baseado en datos científicos e na alianza e colaboración de todos os axentes implicados no problema.

Neste sentido, búscase reunir á comunidade científica e aos xestores do patrimonio natural e cultural co fin de aumentar a resiliencia (é dicir, a capacidade dos seres humanos para adaptarse a circunstancias ou a un entorno adverso), reducir a vulnerabilidade ante o cambio climático e promover unha reconstrución mellor e máis segura en áreas históricas.

Para garantir unha toma de decisións informada e inclusiva neste sentido, tamén se elaborarán plans integrais de xestión de riscos de desastres baseados nas especificidades e tipoloxías diversas do patrimonio e na natureza dos perigos existentes en cada rexión.

O obxectivo final é, en definitiva, vincular os conceptos que se usan para xestionar o risco de desastres e a adaptación ao cambio climático coa propia xestión do patrimonio cultural, proporcionando aos responsables da toma de decisións metodoloxías, ferramentas e estratexias útiles que sexan o resultado dun profundo coñecemento das ameazas, do nivel de exposición e da vulnerabilidade de cada área histórica.

Horizonte 2020

Shelter enmárcase dentro da estratexia Horizonte 2020, que dá nome ao programa marco de investigación e innovación da Unión Europea que rexerá durante o período 2014-2020. Os seus 24 socios pertencen a 10 países (España, Francia, Italia, Holanda, Austria, Bélxica, Reino Unido, República Checa, Croacia e Turquía) que traballarán conxuntamente durante os próximos tres anos para desenvolver os seus obxectivos.

O orzamento total do proxecto ascende a seis millóns de euros e o seu financiamento correrá a cargo da Axencia Executiva para a pequena e mediana empresa (EASME) da Comisión Europea.

Parque Natural do Xurés, 2019-06-14

Actualidad

Foto del resto de noticias (sergas_2.jpg) O tempo medio de espera cirúrxica global do Servizo Galego de Saúde entre xaneiro e xuño deste ano foi de 56,4 días, 3,4 días menos que no mesmo período do ano anterior (que foi de 59,8 días). Con este dato non só se consolida a tendencia do ano pasado, na que Galicia situouse por primeira vez por debaixo dos 60 días, senón que é a mellor cifra dende que existe rexistro de listas de espera. Nos últimos cincos anos, a redución no tempo medio de espera foi de case 30 días. Así o reflicte o balance de tempo medio de espera no Sergas referido ao primeiro semestre de 2019 presentado hoxe polo xerente do Sergas, Antonio Fernández-Campa.
Foto de la tercera plana (nenos_1.jpg) Vinte de cada cen alumnos/as galegos de 6º curso de Primaria contan cunha competencia dixital baixa, segundo os resultados da investigación realizada polo grupo Stellae da USC sobre ‘ Competencia dixital en estudantes de educación obrigatoria. Entornos socio-familiares, procesos de apropiación e propostas de inclusión’, realizado coa subvención do Ministerio de Economía, Industria e Competitividade. O obxectivo do traballo foi “identificar, avaliar e comprender a competencia dixital ao rematar a etapa do ensino primario, así como comprender a influencia desta aprendizaxe nos procesos de inclusión social”, explican as investigadoras Adriana Gewerc Barujel e Esther Martínez Piñeiro. En total recolleuse o testemuño de 764 rapaces e rapazas, dos 312 procedían da provincia da Coruña, 264 da de Pontevedra, 141 de Lugo e 47 de Ourense.

Notas

Afundación e ABANCA presentaron, en colaboración co Instituto de Estudos e Desenvolvemento de Galicia (IDEGA) da Universidade de Santiago de Compostela e o Centro de Investigacións ABANCA de IESIDE, na Sede Afundación de Santiago de Compostela, 'A Economía Galega. Informe 2018'. Este estudo socioeconómico de referencia, que se vén publicando desde 1986, preséntase nesta ocasión tanto a súa versión extensa online como a máis dinámica do resumo executivo en papel.
O Certame Celtibérico de Bandas de Gaitas chega a súa décima edición cun completo programa cultural a celebrar os días 27 e 28 de xullo, nos municipios de Manzaneda e da Pobra de Trives. A presentación deste evento cultural tivo lugar en Ourense, e participaron o vicepresidente da Deputación de Ourense, Rosendo Fernández; o director da Real Banda de Gaitas, Xosé Lois Foxo; os alcaldes de Manzaneda e Pobra de Trives, Amable Fernández e Patricia Domínguez; e o director de Oca Manzaneda, Gustavo Sanmartín.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania