Buscador
Noticias
A cartografía sobre o Camiño de Santiago nas novas tecnoloxías foi o obxecto da conferencia do enxeñeiro e cartógrafo Manuel Carbajo, xefe de Cartografía Temática do Instituto Xeográfico Nacional (IXN), que falou da aplicación para móbeis iOS de Apple e Android, e tamén do proxecto Cartografía Colaborativa e Hipermedia.
A Consellería de Cultura, a Dirección Rexional de Cultura do Norte de Portugal e a Agrupación Europea de Cooperación Territorial Galicia Norte de Portugal presentaron as bases da nova convocatoria dun certame que abre novas portas para a xuventude galega e portuguesa, novas vías de diálogo entre as dúas literaturas e potencia a creatividade e da visibilidade aos proxectos culturais comúns.
No seu novo ensaio, ¿Olvidar a Clitemnestra? Sobre justicia e igualdad, a profesora María Xosé Agra reflexiona sobre o sentido da xustiza e a igualdade. As 222 páxinas ofrecen reflexión e interrogación que tento trasladar para que a xente pense comigo ou contra min, porque para ser quen de abordar conflitos hai que escoitar á outra parte.
O plan, operativo ata finais de abril de 2017, conta cun operativo de 26 centros, 5.200 toneladas de fundentes e preto de 500 profesionais para velar pola seguridade nas estradas autonómicas. Vázquez Mourelle salienta que este plan ten como obxectivo facer fronte aos posibles efectos da climatoloxía adversa nos 5.500 km de vías de titularidade autonómica.
Os Premios Artesanía de Galicia contan con outras dúas categorías: a Bolsa Eloy Gesto, coa que se apoiará a formación do gañador nun centro de referencia no eido da artesanía e o deseño, e o Premio Traxectoria, de carácter honorífico. Os gañadores das tres categorías que conforman os premios daranse a coñecer nun acto público no mes de decembro.
A primeira sesión na cidade herculina deste ciclo, organizado polo C.R.D.O. Ribeiro, celebrarase no Hotel Fisniterre e incluirá a degustación dunha selección de viños introducida por Cristina Alcalá. Pepe Solla, cunha estrela Michelín e tres soles Repsol, é un dos máximos expoñentes da cociña galega de vangarda e fundador do Grupo Nove de 22 cociñeiros galegos.
O Centro de Estudos de Historia da Cidade da USC promove co Concello mindoniense o proxecto Mondoñedo Dixital sobre o emprazamento e as características arquitectónicas dos edificios públicos e de relevo existentes na cidade de Mondoñedo no século XVIII.
A Federación Galega de Bandas de Música Populares desenvolve no Auditorio de Galicia os días 26 e 27 de novembro o X Certame coa participación de 15 agrupacións de Antas de Ulla, Belesar, Cabral, Cangas, Catoira, Meaño, Moaña, Rábade-Begonte-Outeiro de Rei, Rianxo, Ribadavia, Ribadumia, Salvaterra do Miño, Sanxenxo, Teo e Visantoña, co fin de visibilizar o protagonismo das bandas.
Presentouse en Pontevedra a edición desta feira do ano 2016 que terá lugar do 2 ao 4 de decembro no Pazo da Cultura para dar conta tanto das manifestacións artísticas que conforman o panorama cultural galego como dos novos xeitos de traballar neste ámbito cun total de máis de 100 actividades profesionais e abertas ao público.
O presidente da Xunta reivindica o papel dos parlamentos e dos medios de comunicación como foros nos que asistir a un debate fecundo de ideas e posicións e lembra que a democracia fai posible corrixir erros, matizar rumbos e trasladar con présa as demandas cidadás ás institucións e que os xornais son a ágora moderna, o lugar onde se condensa a vida dun país.
