Noticias tecnologia
Bioincubatech busca a incubación de micropemes relacionadas co sector biotecnolóxico a partir da creación de empresas de base tecnolóxica así como apoiar a aquelas empresas que precisan mellorar e innovar nos seus procesos no ámbito biotecnolóxico. Para elo, ofrece catro programas: preincubación, dirixido a proxectos en fases iniciais sen inicio de actividade e sen plan de negocio ou cun plan de negocio non validado; incubación, empresas constituídas cun plan de negocio inicial e cun incipiente acceso ao mercado; aceleración, empresas constituídas cun plan de negocio xa desenvolvido e cun acceso ao mercado significativo; e incubación virtual, proxectos en calquera fase de desenvolemento que non precisen aloxamento físico.
O Colexio Profesional de Enxeñaría en Informática de Galicia (CPETIG), en colaboración coa Axencia para a Modernización Tecnolóxica de Galicia (Amtega), pon en marcha unha campaña de sensibilización para fomentar as vocacións tecnolóxicas entre as mulleres. A campaña, enmárcase no Plan de Promoción do Talento Dixital de Galicia, DigiTalent, para impulsar as vocacións tecnolóxicas, os novos perfís dixitais e reforzar as capacidades dos profesionais que teñen que liderar a transformación dixital. A peza principal da campaña é un vídeo de 40, que se completa con tres colas de 20, orientado a combater estereotipos e visibilizar as capacidades das mulleres para os estudos de Informática. O vídeo pecha co claim Máis mulleres informáticas, programadas para que nada nos pare.
Presentouse en Lugo o proxecto Aula Newton, unha iniciativa educativa elaborada por Boeing coa axuda de First Scandinavia que conta coa colaboración da Xunta de Galicia e do concello de Lugo. Este proxecto pioneiro busca fomentar o coñecemento científico-tecnolóxico entre os máis novos, centrando o seu programa na mellora das habilidades en materias STEM e apostando polo desenvolvemento académico e pola especialización técnica, con especial atención ao ámbito aeroespacial. As aulas Newton, concibidas por Boeing e First Scandinavia, están inspiradas polo concepto innovador da aula descentralizada, composta por un espazo móbil e dotado de simuladores de voo e depósitos expansibles.
A party informática XGN R Encounter pon en marcha mañá a súa décimo novena edición, e faino superándose unha vez máis tanto en cifra de inscritos como en conectividade e número e calidade das súas propostas. Será preto dun milleiro de inscritos, fronte aos preto de 900 da pasada edición, os que tomen parte do evento na súa zona Intranet, o que supón un 12% máis. Estes dispoñerán dun posto para o seu equipo informático con dereito a acampar no interior do pavillón e tamén a gozar dun amplo programa de propostas e torneos exclusivos. Aprendizaxe, intercambio de experiencias e diversión serán os eixos dunha cita á que acoden tanto afeccionados como profesionais da informática, o lecer electrónico e as novas tecnoloxías.
O Centro de Emprendemento da Cidade da Cultura acollerá no segundo semestre do 2020 o Centro GaiásTech, un espazo de demostración e experimentación en tecnoloxías disruptivas, que ofrecerá ao ecosistema dixital galego unha ampla carteira de servizos para facilitar o seu posicionamento nas tendencias tecnolóxicas da vindeira década. O GaiásTech exercerá, ademais, o papel de coordinador da Rede de Nodos de especialización tecnolóxica de Galicia, a través dos que se desenvolverán modelos de colaboración público-privados para impulsar as tecnoloxías dixitais de máis impacto: 5G, Intelixencia Artificial, Big Data ou Ciberseguridade.
Os centros públicos de infantil e primaria de nova incorporación recibirán os materiais necesarios para a construción dun mínimo de catro Escornabots, así como outros materiais precisos para a posta en marcha da iniciativa. Os Escornabots son pequenos robots construídos sobre Arduino, a plataforma de robótica máis estendida a nivel educativo e profesional, cunha ampla comunidade de persoas usuarias e desenvolvedoras, o que facilita o acceso a unha importante base de documentación para os proxectos que se realicen nas bibliotecas.
As empresas e startups do sector aeronáutico de toda España que teñan unha idea innovadora para o uso de vehículos non tripulados (aéreos e mariños) poden presentarse a este programa, que conta cun importante apoio de entidades públicas e empresas multinacionais de referencia como Indra e Babcock. Así, BFAero ofrece aos seus proxectos acelerados un completo plan para o desenvolvemento e lanzamento do seu produto ou servizo no mercado local, nacional e internacional, cunha duración de 24 meses para a etapa de incubación e de 12 meses para a de aceleración.
Un equipo de investigadores do Centro Singular de Investigación en Química Biolóxica e Materiais Moleculares da Universidade de Santiago de Compostela (CiQUS) en colaboración coa Universidade de Rice (Houston, Texas, EEUU) vén de crear novos sensores metálicos fluorescentes para a detección temperá das primeiras agregacións de proteínas vinculadas ás enfermidades de Alzheimer (beta-amiloide) e Parkinson (alfa-sinucleína). Os novos compostos de renio e rutenio adhírense aos precursores da enfermidade (os oligómeros amiloides) e, dende aí, amplifican a nivel supramolecular un sinal determinante coñecido como anisotropía de fluorescencia.
Para motivas e potenciar as vocacións STEM desde idades temperás, este curso desenvolveranse 9 iniciativas diferentes, que posibilitarán que máis de 1.600 nenos e nenas en idade escolar participen talleres e actividades ludico-formativas en torno á robótica, o uso seguro de internet ou desafíos tecnolóxicos. Ademais, levaranse de novo ao centros educativos charlas e actividades divulgativas para achegarlles aos máis novos o interese polos estudos científico-tecnolóxicos, prestando especial atención ás nenas, ofrecendo máis de 900 prazas. Neste eixo cabe destacar o a posta en marcha este curso do programa da Fundación Vodafone DigiCraft no teu cole.
O proxecto Sealab, que comezou en 2018 e se desenvolverá ata setembro de 2020, está liderado pola empresa galega Indrops Laboratorio, xunto a Industrias Ferri, Imatia Innovation, e coa participación do INL (International Iberian Nanotechnology Laboratory) e a Unidade de Tecnoloxías Mariñas do Centro Tecnolóxico do Mar. O Centro Tecnolóxico do Mar (Cetmar) busca desde hai ano e medio cos seus socios do proxecto Sealab o xeito de mellorar os servizos de análise de determinadas substancias prioritarias nas augas interiores e, con ese obxectivo, está a traballar no desenvolvemento dun innovador sistema de medición da calidade da auga. A finalidade é desenvolver un laboratorio portátil que incorpora nanosensórica.
A segunda edición do Ciclo de Cultura Científica da Xunta arranca o vindeiro xoves 4 de abril desmontando mitos sobre o uso das tecnoloxías nas aulas e por parte dos máis novos. O investigador e director da International Science Teaching Foundation, Héctor Ruiz Martín, será o responsable de afondar nestas cuestións na conferencia Que nos di a investigación sobre o uso da tecnoloxía na aula?.
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.
O glioblastoma é un tumor que se orixina no cerebro, de rápido crecemento e agresividade, que afecta sobre todo as persoas maiores. É o máis común dos tumores cerebrais e, na actualidade, non ten cura. Agora, un equipo de investigación do CiMUS dirixido por María José Alonso e Pablo Aguiar, avanza no diagnóstico temperán e o tratamento desta enfermidade grazas á nanotecnoloxía no marco da plataforma de micro-mecenado da USC Sumo Valor.
Reforzar a cooperación europea en materia de protección civil e prevención de catástrofes promovendo a posta en marcha dun sistema de gobernanza baseado en probas científicas. Este é o obxectivo do proxecto europeo Comumunity of Valued Experts in Hydrometeorological and Technological Multi-Hazards, nado baixo o paraugas da Cátedra de Protección Civil e Xestión de Emerxencias, adscrita á Facultade de Ciencias do Traballo da UDC, e liderado pola profesora Sonia Zaragoza.
O Centro de Apoio Científico-Tecnolóxico á Investigación da Universidade de Vigo, coñecido polo acrónimo de CACTI, celebra este 2024 o seu 30 aniversario e faino convertido nun centro de referencia, 'dotado dunha moi alta infraestrutura de investigación sen comparación na nosa contorna xeográfica', no que se ofrecen os 'servizos máis punteiros da investigación científica', tal e como explica a actual directora, a profesora Sandra Bolaño.
Aínda que a pandemia orixinada polo SARS-CoV-2 ficou atrás, o seu eco persiste e aínda son moitas as incógnitas que a ciencia tenta despexar. Hoxe en día sábese que para moitos pacientes de COVID-19, o final da etapa aguda da infección é só o comezo doutra experiencia difícil: a post-COVID. Durante a denominada COVID persistente estas persoas desenvolven unha amálgama de síntomas prolongados que poden incluír dificultade respiratoria, fatiga, tose ou perda de olfacto.
Ao redor de cen persoas participaron este mércores no terceiro taller de HumanIA da Universidade da Coruña, ciclo formativo organizado polo Consello Social e a Facultade de Humanidades e Documentación, en colaboración co CITIC da UDC. A experta en tecnomarketing, innovación e branding, Ruth Falquina, impartiu o taller que levou por título Intelixencia artificial e Creatividade: como potenciar o teu talento, no que compartiu cos asistentes a súa experiencia á fronte dunha axencia especializada en creatividade aumentada, Estado Latente.
As citoquinas son unhas proteínas que desenvolven un papel fundamental no noso organismo, pois facilitan a comunicación entre as células do sistema inmunolóxico, garantindo o seu correcto funcionamento e que a resposta inmunitaria sexa a desexada. Un desequilibrio na súa produción podería ser a causa dun desaxuste do sistema inmune, afectando incluso ao desenvolvemento de enfermidades autoinmunes, aquelas nas que o propio sistema inmunolóxico ataca ás células e aos tecidos do corpo.
O HackForGood, un dos hackatons máis populares de España, regresa esta semana de xeito simultáneo a 25 de universidades de 16 cidades de todo o Estado na que será a súa novena edición. Organizado pola Rede de Cátedras Telefónica, este evento reta a estudantes universitarios a traballar en equipos na procura de solucións innovadoras a retos sociais relacionados coas necesidades das persoas e facendo fincapé nos Obxectivos de Desenvolvendo Sostible, ODS.
AtlanTTic, da UVigo, é un dos 13 socios que participan no proxecto europeo Retina, un traballo dirixido a desenvolver dous sensores baseados en tecnoloxías fotónicas para mellorar diferentes procesos no ámbito da saúde, a automoción e a agricultura, dende a identificación de células tumorais e monitorización da perfusión sanguínea en cirurxías, na área da saúde, ata sistemas avanzados de detección de colisións de vehículos ADAS en automoción.
