Noticias sociedad
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.316, deles 616 son da área da Coruña, 157 da de Lugo, 186 da de Ourense, 327 da de Pontevedra, 599 da área de Vigo, 355 da de Santiago e 76 da de Ferrol. Do total de pacientes positivos, 30 están en UCI, 155 en unidades de hospitalización e 2.131 no domicilio. Polo de agora, en Galicia hai un total de 114.070 persoas curadas, rexistrándose 2.368 falecementos. O número de PCR realizadas é de 1.918.325. O número de doses de vacina contra a covid-19 administradas é de 732.969.
O subcomité clínico que asesora á Xunta de Galicia na xestión da pandemia provocada pola covid-19, vén de acordar a incorporación do concello de Carballeda de Valdeorras á listaxe de concellos con nivel máximo de restricións, xunto cos concellos da Pobra do Caramiñal e O Grove. A grupo de expertos determinou o establecemento do nivel alto de restricións en oito concellos galegos, nomeadamente, nos municipios de Boiro, Barreiros, Pobra do Brollón, Monterrei, A Illa, Boimorto, O Irixo e Carral.
O obxectivo deste proxecto é analizar cal é o comportamento espacial de propagación da covid-19 en Galicia, a fin de coñecer onde se localizan os principais focos de contaxio, con que factores territoriais se relaciona e cales son os espazos clave de actuación para frear a propagación, ademais de identificar cales son os patróns observados. Deste xeito, pódese elaborar unha cartografía de risco con información relevante que se lle envía ao Sergas para a toma de decisións orientadas a poñer freo á transmisión do virus e adiantarse, na medida do posible, aos posibles rebrotes do virus.
A Xunta de Galicia suspende a administración das vacinas de Astrazeneca nas persoas menores de 60 anos. Así, na xornada de hoxe desconvocou ás 1.403 persoas, pertencentes aos colectivos profesionais esencias, que estaban chamadas a vacinarse hoxe con Astrazeneca. Ademais, o Sergas tamén está a reprogramar as citas dalgunhas persoas maiores de 60 anos, debido ao axuste das doses en cadansúa área sanitaria. As decisións foron adoptadas trala da xuntanza do Consello Interterritorial do Sistema Nacional de Saúde na que se acordou suspender a inoculación da vacina elaborada pola farmacéutica británica, nas persoas menores de 60 anos.
A directora xeral de Calidade Ambiental, Sostibilidade e Cambio Climático, Sagrario Pérez Castellanos, salientou hoxe que Galicia xa conta cunha folla de ruta propia coa que mitigar os efectos do cambio climático na Comunidade, a Estratexia galega de cambio climático e enerxía 2050, que foi aprobada hai ano e medio. A directora xeral participou esta mañá na xornada divulgativa Ferramentas para a adaptación ao cambio climático, no marco do proxecto Life Shara, onde destacou que a Estratexia elaborada polo Goberno galego ten como obxectivo global acadar a neutralidade climática de Galicia antes do ano 2050.
A Xunta de Galicia proporá modificar no curso 2021/2022 as datas dos exames de recuperación do alumnado de Educación Secundaria Obrigatoria (ESO), 1º de Bacharelato e 1º de FP Básica ao mes de xuño. Así llo trasladará a Consellería de Cultura, Educación e Universidade ás organizacións sindicais da mesa sectorial a próxima semana, un cambio no calendario escolar que é valorado positivamente por parte da Xunta Autonómica de Directores. Cómpre lembrar que en 2º de Bacharelato as probas extraordinarias xa se realizan nesas datas, por mor da ABAU, desde o curso 2018/2019.
O conselleiro de Sanidade vén de informar que 203.596 persoas maiores de 80 anos xa foron vacinadas en Galicia, unha cifra que representa o 87% deste grupo de poboación. Está previsto chegar durante esta semana ao 90% de persoas vacinadas neste tramo de idade. Na actualidade, o 2,63% das persoas maiores de 80 anos rexeitaron recibir a vacina. O conselleiro tamén lembrou que hai entre un 7 e un 8% de persoas que pertencen a outros grupos de poboación que non recibiron a súa vacina cando se lles citou, ben por non poder desprazarse, ou por outros motivos xustificados.
Xornalistas, escritoras, mulleres comprometidas de varias xeracións conforman a mostra, que está estruturada por un conxunto de paneis que dan conta das vivencias, a biografía e as experiencias de doce reporteiras, escritoras, directoras e correspondentes de guerra. Nesta mirada desde a historia hai espazo para doce galegas destacadas. Así se recollen as opinións de Emilia Pardo Bazán en máis de dous mil artigos de prensa ou de pioneiras como Concepción Arenal ou Mª Luz Morales, primeira directora dun xornal. Parte da exposición dedícase ademais á cullerdense Sofía Casanova, correspondente de guerra, e a Virginia Felicia, coñecida como A raíña do folletín.
A restauradora galega e estrela Michelín Lucía Freitas vén de inaugurar no CIFP Compostela da capital galega, a experiencia formativa e de promoción Aula Gastronómica Galicia Calidade, promovida por este organismo da Vicepresidencia segunda e Consellería de Economía, Empresa e Innovación. A iniciativa pretende achegar os produtos e marcas avaladas por Galicia Calidade aos estudantes e futuros restauradores da Comunidade galega. No proxecto tamén colabora a Fundación Artesanía de Galicia achegando a vaixela e os utensilios cos que se elaboran os pratos.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.174, deles 695 son da área da Coruña, 133 da de Lugo, 146 da de Ourense, 246 da de Pontevedra, 577 da área de Vigo, 285 da de Santiago e 92 da de Ferrol. Do total de pacientes positivos, 32 están en UCI, 187 en unidades de hospitalización e 1.955 no domicilio. Polo de agora, en Galicia hai un total de 113.123 persoas curadas, rexistrándose 2.352 falecementos. O número de PCR realizadas é de 1.872.868.
A entrada en funcionamento deste novo portal web será clave para impulsar e aplicar o Pacto en Galicia, porque porá a disposición dos concellos os materiais necesarios para aprobar a súa adhesión, un amplo abano de exemplos de boas prácticas para o deseño dos plans de acción, e referencias de liñas de financiamento dos mesmos.
Na primeira metade de ano houbo que lamentar o asasinato por violencia machista dunha muller no concello de Valga. Ademais, o mes pasado tamén foi asasinada en Vilalba outra muller por parte da súa exparella. Na primeira metade do ano, a Xunta concedeu axudas económicas a 398 mulleres vítimas de violencia de xénero -isto é, 105 máis que no primeiro semestre de 2018. Cómpre lembrar que Galicia foi a primeira comunidade autónoma en dispoñer dunha axuda económica periódica.
O ciclo DJs no Camiño chegará o vindeiro martes 13 a Ordes, por onde transcorre o Camiño Inglés, cun set especial de David Expósito, CDC Djs e Marcos Magán. O espectáculo, terá lugar a partir das 23,30 h. na Alameda desta localidade coruñesa, como arranque das festas patronais de Santa María, e desenvolverase nun gran escenario de 20 metros, con 40.000 watios de son, seis pantallas xigantes, agasallos para o público e fogos de artificio.
A asociación científica e profesional sobre psicoxeriatría máis importante do mundo celebrará a finais de agosto na USC o seu congreso mundial por vez primeira en España. Entre os días 31 de agosto e 3 de setembro, o congreso desenvolverase agrupando a International Psychogeriatric Association (IPA) e a Sociedade Española de Psicoxeriatría (SEPG). A IPA aborda a saúde mental das persoas maiores cun enfoque integral e interdisciplinar.
O obxectivo desta iniciativa é concienciar á cidadanía sobre a ilegalidade que supón extraer marisco sen permiso de explotación. Para iso en agosto a campaña estará en areais dos concellos de Muros, Mugardos, Noia, Sada, Oleiros, Ribeira, A Pobra do Caramiñal, Vigo, Boiro, O Grove, Foz, O Vicedo, Mañón, Ortigueira, Cedeira, Muxía, Marín, Bueu, Dumbría, Cabanas, Carballo, Carnota, Cangas, Redondela, Outes, Fisterra, Miño, Cee e Baiona.
As 15 comisións sectoriais están formadas por un total de 204 profesionais de recoñecido prestixio, dos que 52, un 25,5%, son a proposta das organizacións sindicais, distribuídos en todas as comisións. Tamén hai 72 representantes, un 35%, a proposta das asociacións profesionais e sociedades científicas. Igualmente, forman parte das comisións, un total de 23 persoas, un 11,3%, a proposta dos colexios profesionais, e doutras institucións como a FEGAMP.
Con esta iniciativa increméntase o número de DESA situados en espazos públicos que poden ser utilizados por aqueles que asistan nun primeiro momento a persoas que sofran un episodio cardíaco revertible tras a aplicación dun desfibrilador semiautomático externo. Actualmente, a Comunidade Autónoma de Galicia conta con máis de 1.430 DESA en espazos públicos.
O galego campa!, o programa destinado a favorecer o uso do galego nos campamentos de verán e mais a facilitarlle ao monitorado formación e recursos para o desenvolvemento de dinámicas que animen os rapaces a se expresar nesta lingua, chega a 22 campamentos de verán. Suma ao traballo en lingua e mocidade o dos valores transversais da igualdade entre homes e mulleres, a educación para a paz e a prevención da violencia de xénero.
Sanidade comezará a administrar a nova vacina nonavalente contra o virus do papiloma humano (VPH) ás nenas galegas de 12 anos a partir de mañá, luns, 22 de xullo. Esta nova vacina substitúe no calendario infantil á vacina bivalente que se está a administrar na actualidade, xa que aporta un 10% máis de prevención de casos de cancro, ao protexer de forma directa fronte a 7 xenotipos oncoxénicos, e ademais protexe das verrugas xenitais.
Foi unha reunión de traballo, un primeiro contacto. O obxectivo é o de colocar Ourense como referente de espazos naturais e proxectos ambientais. Con esa intención reuníronse esta mañá, no Concello de Ourense, o alcalde Gonzalo Pérez Jácome e o tenente de alcalde e concelleiro de Medio Ambiente, Jorge Pumar, cos biólogos Emilio Carral Vilariño e Antonio Estévez Prieto, destacados investigadores de proxectos medio ambientais, tanto no eido académico coma no privado, respectivamente.
