jueves, 23 de octubre de 2025
Para conseguilo apóstase pola implementación de enerxías renovables, o aproveitamento da absorción de CO2 dos montes galegos e a mellora da eficiencia enerxética en todos os sectores, subliñou.
Galicia xa leva tempo preparada na loita contra este fenómeno e, de feito, fixo unha serie de alegacións á Lei estatal de cambio climático que non foron atendidas. Nesta liña, a Consellería lamenta que non se contara na súa elaboración coa participación do Goberno galego, cuxa Estratexia é máis ambiciosa, e que non se atenderan ata o de agora as reiteradas peticións de modificar a devandita norma.
Segundo Pérez Castellanos, a folla de ruta da Xunta tamén prevé outros tres ámbitos de actuación: a adaptación aos efectos do cambio climático, a sensibilización da cidadanía e a investigación e a innovación.
A modo de exemplo, citou o traballo que se está a realizar no reforzo da monitorización dos efectos do cambio climático sobre o territorio galego e na mellora de mecanismos de resposta fronte os eventos climáticos extremos son parte fundamental das pautas de adaptación.
Así mesmo, puxo en valor o labor que se realiza na Comunidade grazas á existencia dunha infraestrutura de observación meteorolóxica e océano-meteorolóxica que permite dispoñer de series históricas de datos, que facilitan a avaliación dos impactos de cambio climático. Estas series e modelos matemáticos de predición en atmosfera e mar son un apoio importante á hora de poñer en marcha ferramentas específicas de apoio á xestión de fenómenos adversos.
A directora xeral tamén destacou que desde o ano 2016 Galicia conta cunha ferramenta de apoio á avaliación dos efectos do cambio climático, un visor de escenario climáticos que permite coñecer os cambios esperados en 22 índices relacionados coa temperatura e a precipitación en función da redución das emisións de gases de efecto invernadoiro. Este visor está baseado en datos diarios e permite a consulta por concello, pois a adaptación deste fenómeno global debe abordarse desde o eido rexional e local. Nese sentido, engadiu que as rexións, e Galicia en concreto, traballan con moita máis anticipación que o propio Ministerio para a Transición Ecolóxica e Reto Demográfico.
Por último, a directora agradeceu a oportunidade de participación nesta xornada na que se pode poñer en valor o traballo que se realiza desde a Xunta e que permite achegar un gran de area aos obxectivos fixados no proxecto Life Shara, como dar a coñecer a importancia e relevancia da adaptación ao cambio climático e o aproveitamento de sinerxías e recursos para analizar os impactos do derivados e compartir as medidas que os eviten ou limiten.
A Xunta reclamará de novo en Bruxelas unha Política Agraria Común ben dotada, con financiamento suficiente e con fondos específicos e diferenciados, como ata o de agora, que permitan apoiar a renda dos agricultores e gandeiros e garantir o impulso ao desenvolvemento rural e afianzar as medidas de remuda xeracional. Así o avanzou a conselleira do Medio Rural, María José Gómez, en resposta a unha pregunta parlamentaria sobre este asunto e na que reiterou o rexeitamento de Galicia á proposta da UE para a vindeira PAC a partir de 2028, polo centralismo desta nova política, cunha arquitectura baseada nun fondo único para os estados membros que resulta lesiva para a nosa comunidade.
A Xunta porá en marcha no 2026 unha Oficina de Atracción de Talento que coordinará todas as medidas en materia de emprego destinadas aos galegos e galegas do exterior que deciden retornar para traballar na súa terra, así como as iniciativas dirixidas a favorecer a contratación planificada de persoas traballadoras de 3º países por parte de empresas da nosa comunidade. Deste xeito, Galicia consolidará un modelo propio que aposta por captar persoas traballadoras de xeito ordenado e sempre en base a un emprego de calidade -por conta allea ou emprendendo-.
