jueves, 16 de abril de 2026
A Xunta dá un paso clave para atender os retos da I+G+i e posicionar a nosa Comunidade como referente neste eido coa constitución do Consello Asesor en Investigación e Innovación de Galicia, que reúne a 12 científicos de recoñecido prestixio. O conselleiro de Educación, Ciencia, Universidades e Formación Profesional, Román Rodríguez, presidiu esta mañá a sesión constituínte deste órgano, que asesorará ao Goberno galego para impulsar aínda máis o potencial galego neste campo. Neste primeiro encontro abordouse o plan para a elaboración e aprobación da futura Lei de ciencia e innovación de Galicia e a revisión dos ámbitos prioritarios da política de I+D+i galega.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia.
Román Rodríguez destacou que esta primeira reunión permite ver o apoio da sociedade civil á ciencia que se desenvolve en Galicia, con membros vencellados co mundo universitario, con empresas, co ámbito da transferencia e tamén co da xestión. A función deste órgano, que se reunirá polo menos unha vez ao ano, é asesorar, axudar e informar á Xunta para deseñar as mellores políticas de ciencia posibles, indicou o conselleiro.
Na súa primeira xuntanza, ademais de constituírse, o órgano abordou o plan para a elaboración e aprobación da nova Lei de ciencia e innovación de Galicia, que pretende actualizar e reforzar o modelo integrado de I+D+i existente na Comunidade, adaptándoo aos novos retos tecnolóxicos e sociais. Neste eido, o Consello Asesor desempeña un papel fundamental como órgano de apoio técnico e estratéxico e a súa participación agárdase que contribúa a garantir que a futura norma responda ás necesidades reais do ecosistema galego de I+D+i, reforzando a transferencia de coñecemento, a colaboración público-privada e a proxección internacional da investigación desenvolvida en Galicia.
Por outra banda, instouse a este órgano a participar na revisión dos ámbitos de priorización da Estratexia de especialización intelixente de Galicia 2021-2027. Trátase de adaptarse ás novas realidades económicas e tecnolóxicas, atendendo ás fortalezas a sectores emerxentes e ás transicións dixital e verde. O obxectivo final é consolidar un modelo de especialización máis eficiente, centrado en ámbitos nos que Galicia poida acadar vantaxes competitivas e xerar maior valor engadido, reforzando ao mesmo tempo a conexión entre investigación, innovación e tecido produtivo.
Composición do Consello Asesor
As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
No campo da investigación, atópase o catedrático de Medicina Legal e director da Fundación Pública Galega de Medicina Xenómica, Ángel Carracedo; a catedrática de Enxeñaría Mecánica, Maquinas e Motores Térmicos e Fluídos na Universidade de Vigo, Concepción Paz; a directora científica do Instituto de Investigación Sanitaria Galicia Sur, Eva Poveda; a catedrática de Astrofísica de Galicia e presidenta da Sociedade Española de Astronomía, Minia Manteiga, e o catedrático de Intelixencia Artificial e director científico do Centro singular de investigación en tecnoloxías intelixentes (CiTIUS), Senén Barro.
Na área das políticas públicas de I+D+i, integran o Consello o director xeral da Fundación Cotec para a Innovación, Jorge Barrero; o enxeñeiro agrónomo e exdirector xeral de Agricultura e de Investigación da Comisión Europea, José Manuel Silva, e a doutora en Informática e licenciada en Física e directora adxunta da Fundación Xeral do CSIC, Paloma Domingos. No eido da innovación, empresa e emprendemento, participan o director xerente do centro tecnolóxico Aimen e presidente da rede Atiga; Jesús Ángel Lago; o cofundador e CEO de Mestrelab Research, Santiago Domínguez; a CEO da empresa líder en maquinaria para a industria conserveira Hermasa Canning Technology, Sara Rodríguez, e a doutora en Bioloxía Molecular e fundadora de Batea Oncology, Sonia Martínez.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
