Buscador
Noticias
Un total de 932 pacientes crónicos son monitorizados polo Servizo Galego de Saúde, sen necesidade de acudir ao seu centro de saúde, grazas á ferramenta tecnolóxica TELEA. Trátase dun proxecto de innovación que pon en contacto directo aos equipos de profesionais cos pacientes.
A explanada da Fábrica de Tabacos albergará dende o mes de decembro unha instalación temporal, denominada Tribuna Pública, un espazo aberto para a participación, a exhibición e o intercambio de iniciativas artísticas, culturais e sociais sobre os terreos dos portos interiores da cidade e os seus futuros usos.
O Concello de Ourense vén de presentar a súa programación de Nadal, que este ano contará con máis de 400 propostas culturais, deportivas, de lecer e solidarias para que ninguén quede na casa, e aposta por actividades diarias para todos os públicos, converter as rúas nunha festa e chegar a todos os barrios da cidade. O acendido das luces de Nadal terá lugar o mércores a partir das 19:00 horas cun espectáculo na Praza Maior.
A Conferencia de Reitores das Universidades do Suroeste Europeo (CRUSOE) mantivo este martes na USC unha reunión da súa comisión executiva na que se avanzou cara á súa consolidación como asociación sen ánimo de lucro, previa á creación dunha agrupación europea de cooperación territorial.
Tivo lugar a gala de entrega de premios da novena edición do certame OUFF Escola, no que este ano participaron 102 traballos de toda Galicia. O OUFF Escola é un evento organizado polo Concello de Ourense, ao abeiro do Festival de Cine de Ourense, e ten como obxectivo impulsar o uso do galego, coñecer a visión da infancia e da xuventude sobre a súa contorna sociocultural e fomentar a creatividade audiovisual.
A Axencia para a Modernización Tecnolóxica de Galicia (Amtega) vén de publicar o Mapa de Demanda Temperá para deseñar unha plataforma de contidos interactivos para a Televisión de Galicia, que ofrecerá aos máis novos novas experiencias didácticas adaptadas aos hábitos de consumo actuais.
