Buscador
Noticias
Segundo o segundo ránking Universidade-Empresa sobre empregabilidade dos titulados recentes, realizado con datos de 2.155 enquisas a responsables de contratación doutras tantas empresas de toda España, os titulados e tituladas en Humanidades e outras Ciencias Sociais pola USC, os mellor valorados polas empresas.
O Foro da Innovación para o Emprego 2016. que terá lugar no Palacio de Congresos e Exposicións en Compostela do 15 ao 16 de xuño, ten recibido 129 ofertas de 78 empresas. Rexistráronse nas ofertas máis de 3.200 usuarios e foron remitidos ás empresas máis de 800 currículos que se axustaban aos perfís requiridos.
A Orquesta celebrará o seu 25 aniversario coa súa tempada de concertos máis longa e un ciclo especial no mes de maio de 2017 que incluirá a interpretación de todas as sinfonías de Beethoven. En total serán 36 concertos de abono e dous extraordinarios en homenaxe ás e aos case 1.700 abonados que ten a entidade musical.
O IV Encontro Mocidade Investigadora reúne 300 novos investigadores na Facultade de Ciencias da Comunicación. O Encontro diríxese a novos investigadores/as para fomentar a colaboración e o intercambio de coñecementos entre os membros dos diversos programas de doutoramento da USC.
Incorpórase o liño á cociña e aos elementos que a rodean, coa realización de diferentes pezas como recipientes, uniformes ou mandís. Enmárcase na iniciativa da Consellería de Economía, Emprego e Industria Artesanía no prato, que busca sinerxías entre a cociña de vangarda e o sector artesán galego.
O mercado galego de artes escénicas para profesionais e para o público xeral conclúe en Santiago coa participación de más de 120 axentes culturais e 37 compañías. Galicia Escena Pro pecha coa estrea de O conto da Azuzaina e as últimas producións de Morcego, La Yogurtera e Chévere.
O pleno do CGU analizou hoxe tamén cuestións como os impagos de matrícula, os plans de viabilidade de varias titulacións, ou a autorización de implantación de diferentes másters e graos no SUG, entre outros asuntos. O conselleiro convidou ás universidades galegas a reflexionar sobre o actual calendario de exames e as datas de inicio de curso.
O vídeo-clip amosa imaxes de distintas localización da xeografía ourensá e galega coa canción "El ganador", composta por Marta Sánchez especialmente para a ocasión. O spot emitirase por televisión a partir do 2 de xullo, "para anunciar a proba e animar á xente a visitar Galicia", según o director xeral de "La Vuelta".
A retrospectiva This is Now, desenvólvese todos os martes de xuño cunha ampla panorámica da produción independente de cine e vídeo en Gran Bretaña durante os anos oitenta. Do mércores ao venres 10 de xuño programaranse tres sesións de curtametraxes de alumnos da EIS de Someso, que comezou a súa andaina en 1991 canda a filmoteca galega.
As achegas aplicaranse ás superficies de viñedo destinadas á produción de uva para vinificación nas que se leven a cabo tarefas de reconversión varietal, reimplantación de viñedos ou melloras das técnicas de xestión. Coa convocatoria de 2016 arranca o proceso de restruturación e reconversión de viñedo na Comunidade galega.
