Noticias sociedad
Un total de 110 centros escolares incorporarán o libro dixital nas súas aulas o próximo curso 2018/19, polo que o proxecto de educación dixital E-Dixgal acada os 264 centros beneficiados (un 70% máis que o curso pasado) e chegará a 18.000 alumnos (40%). Todos eles -estudantes de 5º e 6º curso de Primaria e 1º e 2º de ESO- recibirán unha ensinanza completamente dixital. Do total dos 264 centros E-Dixgal, 91 son da provincia da Coruña (37 novos para o vindeiro curso), 47 de Lugo (22 novos), 19 de Ourense (11) e 107 de Pontevedra (40). Por ensinanzas, 162 incorporan o libro dixital en Primaria, 73 en Secundaria e outros 29 fano en Primaria e Secundaria.
O conselleiro de Sanidade, Jesús Vázquez Almuiña, destacou esta semana a importancia do Proceso Asistencial Integrado da esclerose lateral amiotrófica (ELA) que mellora a atención sanitaria e social dos pacientes que sofren esta enfermidade neurodexenerativa, adecuando ambos sistemas ás súas necesidades. O documento homoxeneíza a atención, garantindo a equidade e a continuidade asistencial dos pacientes e converte a Galicia nunha das primeiras comunidades en dispoñer dun procedemento de actuación integral para doentes.
O conselleiro de Sanidade, Jesús Vázquez Almuiña, compareceu hoxe no Parlamento de Galicia para informar dos datos de actividade do Plan Galego de Atención ao Ictus, presentado ahora hai dous anos, e do que xa se beneficiaron máis de 5.000 pacientes. Dito plan, permitiu crear unha rede de atención a esta patoloxía en toda Galicia, xestionada como unha área única, para ofrecer a mellor atención á cidadanía, independentemente do lugar no que se produza, e acurtando sensiblemente os tempos de asistencia, á vez que se utilizan os recursos dunha forma máis eficiente.
A enfermidade do Párkinson é un trastorno neurodexenerativo que afecta o movemento das persoas. Prodúcese debido á perda ou dexeneración de neuronas situadas na substancia negra, unha estrutura que se atopa na parte media do cerebro. Esta perda provoca falta de dopamina, un neurotransmisor esencial para a función motora do organismo. Os doentes adoitan sufrir tremores, rixidez muscular e problemas de equilibrio e coordinación. Trátase dunha enfermidade que prexudica o sistema nervioso de forma crónica e progresiva. Unha das características desta patoloxía é a disfunción mitocondrial; é dicir, o mal funcionamento das mitocondrias nas células do paciente.
O Centro Galego de Arte Contemporánea inaugura a exposición 'En construción', que subliña o encontro entre arte e arquitectura no CGAC. A mostra, que estará aberta ata o 28 de outubro, 'afonda na idea de construción como clave para comprender a relación do ser humano co espazo, a paisaxe e a casa', segundo sinalou o secretario xeral de Cultura, Anxo Lorenzo. Lembrou, ademais, que o museo está a piques de celebrar o seu 25 aniversario e sinalou que é 'un espazo de diálogo e convivencia para artistas moi dispares'.
O presidente da Xunta, Alberto Núñez Feijóo, destacou durante a rolda de prensa do Consello a aprobación dunha nova convocatoria de axudas que permitirá a creación de 15 novas casas niño no rural. Feijóo precisou que a día de hoxe o rural galego conta con 46 casas niño -3 na provincia da Coruña, 13 en Lugo, 27 en Ourense e 3 en Pontevedra- que, cun investimento de preto de 5 millóns de euros, ofrecen 230 prazas de atención á infancia de 0 a 3 anos en concellos de menos de 5.000 habitantes de Galicia. O presidente do Goberno galego aseverou que o obxectivo desta convocatoria será chegar a 61 casas niño funcionando en Galicia e dar atención a 305 rapaces de 0 a 3 anos.
O 'Corazón da Artesanía. VII Encontro da Artesanía Tradicional e Popular de Galicia', organizado pola Fundación Artesanía de Galicia, volverá encher esta fin de semana o complexo histórico-artístico dos Pendellos de Agolada (Pontevedra). Este encontro convértese cada ano nun evento integral de divulgación e de posta en valor da artesanía e dos oficios artesáns, así como da súa interrelación coa música, a gastronomía e outras disciplinas artísticas, a través dun amplo programa de actividades. Entre o venres e o domingo, os visitantes poderán coñecer os 49 expositores de produtos gourmet así como o traballo de 52 artesáns de 26 oficios diferentes.
As tres universidades galegas ofertarán por primeira vez o vindeiro curso 2018/19 catro graos en inglés. Así o avanzou na Comisión 4ª do Parlamento o secretario xeral de Universidades, José Alberto Díez de Castro, quen detallou os títulos que estrearán este formato: Enxeñaría Informática da Universidade da Coruña; Grao en Química da Universidade de Santiago; e Grao en Enxeñaría en Tecnoloxías de Telecomunicación e Grao en Enxeñaría de Tecnoloxías Industriais, ambos da Universidade de Vigo. Esta acción enmárcase no decálogo de medidas do Plan de Excelencia do Sistema Universitario de Galicia (SUG), para o trienio 2018-2020.
As Visitas Astronómicas volven este verán á Cidade da Cultura, convertendo o monte Gaiás nun observatorio privilexiado do ceo nocturno de Compostela. Durante os sábados do verán realizaranse sesións de observación astronómica de balde previa inscrición nas que gozar a un tempo da maxia das estrelas e da arquitectura do complexo de Peter Eisenman. A través de telescopios e prismáticos e seguindo as explicacións técnicas de monitores, as persoas asistentes observarán a lúa, os planetas, estrelas dobres ou nebulosas, aprendendo ademais, valéndose dun planisferio, a identificar as constelacións á primeira ollada.
A vicepresidenta da Deputación da Coruña, Goretti Sanmartín, remite ao ministro de Cultura, José Guirao unha carta en que explica a situación do proceso de reclamación do Pazo de Meirás e achega os informes xurídico e histórico encargados pola institución. Goretti Sanmartín anima ao novo goberno a iniciar o proceso xudicial para que o Pazo pase a ser un ben público. En carta remitida ao ministerio de Cultura, Goretti Sanmartín lembra que desde a Deputación da Coruña xa remitiran ao novo goberno dirixido por Pedro Sánchez os informes xurídico e histórico que abren as portas á recuperación do Pazo de Meirás como ben público.
A proposta coa que a Secretaría Xeral de Política Lingüística quere dinamizar o uso do galego na xente miúda chega ao ecuador da xira que está a levar a familia animada máis famosa de Galicia nun espectáculo de monicreques manipulados por actores á vista no que se simulará unha aventura a través do tempoa 40 concellos da Rede de Dinamización.
Migracións Europa - América: procesos de ida e volta (séculos XIX e XX) abre o debate aos procesos migratorios a Europa e América, tanto de ida como de volta. Destácase a relevancia demográfica, económica e histórica da pegada galega en América, e tamén das vagas de inmigrantes americanos cara Europa. Atención especial adicouse ao espazo migratorio entre Galicia e Cuba.
O prazo de inscrición permanecerá aberto ata o xoves 17 na Concellería de Cultura (Auditorio Municipal, 988 391 290), ou no mail cultura@ourense.es.
A Rede estatal Jóvenes e Inclusión que preside o catedrático en Pedagoxía Social da USC José Antonio Caride Gómez desenvolve o 8 e 9 de setembro en Santiago o I Encontro Internacional Mocidade en risco, un risco para Europa. O evento propón dar novas respostas a unha incorporación social plena da xuventude, sobre todo a que se atopa en desvantaxe social pola crise.
Se celebrará de forma paralela y complementaria a Termatalia y reunirán a más de 50 expertos de una quincena de países.
A iniciativa e é froito dun convenio de colaboración asinado entre Turismo de Galicia e o Consorcio de Turismo da Ribeira Sacra. O obxectivo é crear un produto turístico innovador, case inexistente no contorno rural, que poña en valor os recursos, a cultura e as tradicións desta zona turística.
A Xunta investirá máis de 1,2 M nas obras de rehabilitación dunha nave do Mosteiro de San Clodio para convertela no primeiro spa do viño de Galicia. O DOG publicou o anuncio de licitación para a realización destes traballos incluídos no Plan Termal. A data límite para a presentación de ofertas remata o 30 de setembro.
Soutomaior, Carnota e Muros acollen as primeiras funcións da recta final da xira que está a levar os irmáns animados máis coñecidos de Galicia a 40 concellos galegos desde o mes de marzo. FalaRedes 2015 é a cuarta edición do programa de dinamización lingüística promovido pola Xunta.
Os responsables de contidos informativos on line de The Guardian, Prisa, 2btube, Open Knowlege Foundation, Noticias Univisión, El Confidencial, El Español e El Extrarradio, entre outros, danse cita na Facultade de Ciensias da Comunicación da USC, en campUSCulturae.
Artesáns galegos fórmanse en Santiago nas técnicas da plumería na alta costura da man do deseñador Serkan Cura. A directora xeral de Comercio visitou o curso no que están a participar 15 profesionais e que forma parte da oferta da Fundación Centro Galego da Artesanía e do Deseño. O experto belga de orixe turca traballou para Jean Paul Gaultier e conta coa súa propia firma en París.
