viernes, 1 de mayo de 2026
O cartel estará protagonizado por The Hives, na Coruña, e Miguel Poveda, en Ferrol, ambos concellos do Camiño Inglés. En Lugo, cidade pola que discorre o Camiño Primitivo, recalará Pablo López, mentres que en Ourense, na Vía da Prata, actuará Rodrigo Leão. Finalmente, José González pasará por Pontevedra, no Camiño Portugués, e Mon Laferte por Vigo, no Camiño Portugués da Costa, pechando así a programación desta primeira edición.
As seis citas terán lugar ao longo dos meses de outubro e novembro, cunha proposta que dá continuidade ao festival, celebrado con gran éxito, pois ao longo de tres xornadas congregou a 84.000 asistentes de 12 países no revitalizado Parque Monte do Gozo. O Son do Camiño promoveu deste xeito a imaxe de Galicia a través dun dos seus principais activos culturais e turísticos, o Camiño de Santiago, e consolidando a oferta de festivais da Comunidade.
As entradas para estes seis concertos, unha aposta pola variedade de estilos, sairán a venta o vindeiro luns na páxina web www.osondocamino.es. A Xunta é o principal patrocinador da cita, que aposta tamén pola descentralización e a desestacionalización, ao enriquecer a programación musical de outono, unha época fora dos principais eventos neste sentido.
As datas e lugares de celebración dos concertos serán as seguintes:
- 20 de outubro: Rodrigo Leão, Auditorio Municipal de Ourense
- 23 de outubro: José González, Teatro Afundación de Pontevedra
- 3 de novembro: Miguel Poveda, Auditorio Municipal de Ferrol
- 7 de novembro: Mon Laferte, Teatro Afundación de Vigo
- 10 de novembro: The Hives, Sala Pelícano da Coruña
- 17 de novembro: Pablo López, Pazo de Feiras e Congresos de Lugo
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
