viernes, 25 de septiembre de 2026
O certame Santiago(é)Tapas volverá dinamizar a gastronomÃa da capital de Galicia entre o 12 e o 29 de novembro, con máis de 65 establecementos participantes nun evento que chega á súa oitava edición. Xa se está a celebrar a fase de preselección, que determinará o número total de concursantes. Un xurado é o encargado de asegurar a calidade e máis a adecuación aos criterios do evento dos petiscos presentados.
Unha rolda de prensa na que participou a concelleira de Igualdade, Desenvolvemento Económico e Turismo, Marta Lois, e que se desenvolveu na sede de HostalerÃa Compostela serviu para avanzar as liñas xerais do concurso. Participaron tamén José Antonio Riveiro, presidente do colectivo na súa área de restauración; MarÃa Sande, directora de Marketing de Coca Cola Iberian Partners Galicia; Guillermo Fernández, delegado de Hijos de Rivera; Ãngel Otero, presidente de Cash Record; e Miguel Ãngel Viso, presidente do CRDO Ribeiro.
Cómpre salientar que numerosos establecementos se apuntaron por vez primeira á fase de selección, o que anticipa que moitos deles estrearanse no certame. Cada local pode presentar ata 3 creacións, que terán un prezo común de 2 euros.
Os clientes decidirán que petiscos son os seus preferidos, votando cos pousavaos nas urnas situadas nos establecementos participantes, e poderán aspirar a distintos premios selando o seu tapasporte, a pequena "biblia" do concurso. Unha versión "express" do tapasporte está especialmente deseñada para os visitantes que permanecen menos tempo na cidade.
Ademais, a través da interacción nas redes sociais Twitter e Facebook, os internautas poderán optar a ser parte do xurado do concurso.
Pola súa banda, continúa aberto o perÃodo de inscrición ao Santiago(é)Noite, a oferta complementaria de hostalarÃa nocturna que ofrece creacións novidosas con prezos especiais aos que amosen o seu tapasporte.
O certame Santiago(é)Tapas é unha ocasión para percorrer cinco distintas (é)tapas pola cidade, propoñendo unha peregrinación moi particular pola mellor da gastronomÃa en miniatura, na que sempre se descobren novos sabores e ambientes.
Na edición do 2014 do Santiago(é)Tapas servÃronse 31.000 petiscos a 2 euros. Esta cifra coloca nas 203.000 as tapas consumidas nos sete anos previos do certame.
O Santiago(é)Tapas vivirá unha presentación moi especial no vagón comedor do Alvia que efectúa o percorrido Madrid-Compostela o dÃa 10 de novembro en Madrid, no que se degustarán petiscos. Será unha nova oportunidade para divulgar a oferta gastronómica santiaguesa.
Esta presentación será conxunta co festival Cineuropa, xuntando asà as dúas citas que coinciden en novembro en Compostela e afondando na súa colaboración e promoción baixo a denominación Tapas do Cine.
Ademais, e dentro dun acordo de colaboración con Renfe, os visitantes que se acheguen a Compostela en Alvia - Larga Distancia por mor do evento poderán gozar dun desconto dun 30% no prezo dos seus billetes entre os dÃas 17 e 25 de novembro.
Santiago(é)Tapas está coorganizado por Turismo de Santiago e a Asociación HostalerÃa Compostela. Conta co patrocinio do Consello Regulador da Denominación de Orixe Ribeiro, Cash Record, Estrella Galicia e Coca Cola.
Máis información: http://www.santiagoetapas.com/
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A CofradÃa de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de EstatÃstica (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo perÃodo do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
