Noticias sociedad
O Museo Centro Gaiás da Cidade da Cultura abrirá ao público e á noitiña este xoves e venres coas visitas especializadas As Nocturnas. O obxecto é ofrecer fóra do seu horario habitual un xeito de achegarse diferente e orixinal con música e petiscos e exclusivo non máis de 30 persoas á exposición 'Pensar coas mans. Cestería, cerámica e xoiería de Galicia'. A nova edición de As Nocturnas celebrarase xa este xoves e venres do 29 e 30 de agosto e terá continuidade os 5 e 6 de setembro. Este ciclo permitiralles aos asistentes ter a oportunidade de coñecer de primeira man a través de expertos os oficios e as creacións artísticas da xoiería, cestería e cerámica galega.
O Programa IACOBUS, que promove a cooperación en investigación científica e tecnolóxica no ámbito universitario e dos centros tecnolóxicos na Eurorrexión Galicia-Norte de Portugal, ten apoiado desde 2014 un total de 798 proxectos, cun financiamento global de preto de 880.000 euros. O obxectivo desta iniciativa é fomentar o desenvolvemento de proxectos de innovación e a divulgación de papers (publicacións científicas). O IACOBUS está xestionado pola Agrupación Europea de Cooperación Territorial Galicia-Norte de Portugal (GNP, AECT), en colaboración coa Xunta, a Comisión de Coordinación e Desenvolvemento Rexional do Norte e a Fundación CEER, e está co-financiado polo Programa INTERREG VA.
Un total de 113.938 galegas e galegos teñen a tarxeta de doador de órganos, sendo moitas máis as mulleres, un total de 72.798, o que representa o 64%, e 41.140 homes, que supoñen o 36%. Por provinciais, 46.968 persoas pertencen á da Coruña; 47.421 á de Pontevedra; 9.220 á de Ourense e 8.570 á de Lugo. Tamén hai 1.759 persoas de fóra de Galicia. No que atinxe á súa idade, os posuidores da tarxeta de doador teñen entre 18 e 44 anos o 75%, sendo un 20% os que se sitúan na franxa de 45 a 64 anos. Os maiores de 65 anos representan o 3%. A tarxeta de doador é un documento que se solicita e formaliza en vida.
Galicia acaba de sumarse ao movemento global Respira a vida ou Breathelife que busca reducir a contaminación do aire a través do intercambio de experiencias e información entre os seus integrantes. A nosa comunidade convértese así na terceira de España -só por detrás de País Vasco e Cataluña- en adherirse a esta iniciativa, liderada pola Coalición de Clima e Aire Limpo, a Organización Mundial da Saúde (OMS) e o Programa das Nacións Unidas para o Medio Ambiente (ONU Medio Ambiente). A rede Respira a vida está integrada por 63 cidades, rexións, países e organismos con competencias en materia de mellora da calidade do aire de todo o mundo.
A Consellería de Medio Ambiente, Territorio e Vivenda presentará en Bruxelas o vindeiro 8 de outubro a Estratexia Galega de Cambio Climático e Enerxía 2050 (EGCCE). Será a encargada de abrir a participación galega na Semana Europea das Rexións e as Cidades, un evento coordinado polo Comité das Rexións e a Dirección Xeral de Política Rexional da Comisión Europea, que durante os seus catro días de duración ofrecerá un programa con máis de 300 actos previstos e 600 relatores. Durante a segunda xornada de traballo, a Xunta ofrecerá unha conferencia centrada na aportación galega á loita contra o cambio climático a través da presentación da futura EGCCE.
Un total de 18 centros de educación infantil e primaria, secundaria e educación especial de toda Galicia desenvolverán a partir do vindeiro curso a iniciativa Educación Responsable: programa para o desenvolvemento da educación emocional, social e da creatividade, que a Consellería de Educación, Universidade e Formación Profesional realiza en colaboración coa Fundación Botín. Trátase dunha proposta para tres cursos, co fin de que os centros e os seus docentes desenvolvan o programa formando parte da rede de Centros de Educación Responsable da Comunidade Autónoma Galega, recibindo formación, recursos educativos e seguimento por parte tanto da Consellería como da Fundación.
As empresas actúan, en materia de RSE, principalmente no ámbito laboral (77,39%), seguido do social (65,71%), do medioambiental (63,28%) e do económico (36,87%). No eido laboral, as empresas enquisadas presentan taxas altas en formación e promoción do persoal. Así, o 80,49% das firmas que participaron na elaboración do informe afirman ter un plan ou unha política de formación do persoal: nunha escala de 1 a 5, a formación permanente dos traballadores e traballadoras (4,16) e o emprego de calidade (4,06) foron os aspectos máis valorados (importancia alta). Cun 62,67%, a flexibilidade horaria é a medida máis destacada, seguida da xornada reducida (36,27%).
En base a este documento, trátase de facilitar a execución práctica das normas de aplicación directa e as determinacións relativas ás licencias directas, é dicir, aquelas que outorga o concello sen necesidade de contar coa autorización previa do departamento competente en materia de patrimonio cultural. O propósito desta regulación é compaxinar a protección do patrimonio cultural e impulsar e axilizar as actuacións en materia de rehabilitación e rexeneración urbana a todas aquelas entidades ou particulares que desexen levar a cabo unha actuación. Trátase de coordinar as actuacións das diferentes administracións e clarificar a interpretación sobre determinadas cuestións, para outorgar maior seguridade xurídica ao proceso de rehabilitación.
Galicia acolle este verán máis de cen actividades dentro da programación de O teu Xacobeo, a convocatoria que propiciará a posta en marcha de 352 iniciativas de dinamización en toda Galicia como antesala do próximo Ano Santo. O programa busca favorecer a participación e a descentralización do vindeiro Xacobeo 21. Trátase da primeira vez que o Goberno galego pon en marcha un proxecto co Xacobeo como referente feito coa implicación de toda sociedade galega. Así, dos máis de 350 proxectos aprobados propostos por concellos, empresas privadas e entidades sen ánimo de lucro, máis dun centenar espallaranse ata o remate de verán pola xeografía galega.
A Ribeira Sacra deu un paso firme na súa aspiración de converterse a medio prazo na sétima reserva da biosfera de Galicia. O Concello de Pantón acolleu a presentación oficial da candidatura coa que os 23 concellos de Lugo e Ourense que abranguen o espazo conformado pola Ribeira Sacra e as Serras do Oribio e Courel aspiran a conseguir este recoñecemento de carácter internacional xestionado e concedido pola Unesco. Trátase dun territorio de excepcional valor en canto aos seus compoñentes ambientais, paisaxísticos e culturais, como demostra a súa recente declaración como Ben de Interese Cultural (BIC) por parte do Consello da Xunta. Galicia xa conta con seis reservas da biosfera que representan arredor do 25% do territorio da comunidade.
A Concellería de Sanidade organiza un obradoiro sobre actualizacións na normativa dos alérxenos alimentarios nos comedores, que divulgará entre profesionais e público en xeral as novidades normativas acerca destas sustancias que, ao introducirse no organismo, o sensibilizan para a aparición dos fenómenos da alerxia.
O Padroado da Fundación Galicia-América, presidido polo conselleiro de Cultura, Educación e Ordenación Universitaria, Román Rodríguez, vén de nomear Membro de Honra a Víctor Manuel Vázquez Portomeñe como promotor e impulsor da devandita entidade no tempo do seu deseño e concepción dos obxectivos fundacionais.
Xantar, el Salón Internacional de Turismo Gastronómico, comenzó la promoción de su próxima edición, la décimo octava, participando como invitado especial representando la gastronomía gallega en el Festival Gastronómico do Bife de Espadarte (pez espada), en Vila Praia de Âncora, en Portugal, que se celebra hasta el próximo domingo día 21.
O Concello seleccionou as propostas este ano a través dunha convocatoria á que se presentaron 80 ideas. Packami, Quilling, Scrapbooking, Crafty, guitarra, baile, teatro, fotografía e animación son algunhas delas. Comezarán en outubro e incluirán o 2º Festival Urbano Cidade de Ourense. O Laboratorio de ideas xuvenís posto en marcha pola Concellería de Xuventude recolleu a través dun procedemento aberto un total de 80 propostas de actividades.
Turismo de Galicia realizará unha achega de 50.000 euros para a elaboración desta folla de ruta que contemplará un análise da situación do turismo de saúde no mundo, un diagnóstico deste segmento turístico en Galicia así como actuacións de promoción para o seu impulso.
A Consellería de Cultura e Educación incrementa nun 36% tanto o orzamento total da convocatoria como a contía da axuda que percibirá cada un dos beneficiarios. As axudas forman parte do proceso de internacionalización de estudantes do SUG posto en marcha no curso 2011-2012.
Os viaxeiros procedentes de Irlanda medraron un 24,29% no primeiro cuadrimestre do ano en relación ao mesmo período de 2015 con 5.367 visitantes. Os periodistas convidados coñecerán de primeira man os reclamos turísticos da Comunidade e plasmarán a súa experiencia en varias reportaxes.
A LII Festa do Polbo de O Carballiño é un dos 11 festexos declarados de interese turístico nacional que se suma ás máis de 100 de tipo autonómico e ás 9 de carácter internacional. O xeodestino de Ourense rexistrou 108.000 visitantes e 200.000 pernoitas no primeiro semestre do ano, un 17% e un 22% máis que en 2015.
A proposta cultural pódese visitar en agosto na Fundación Eugenio Granell e contará con preto de 200 produtos artesanais de 46 talleres de toda Galicia. A iniciativa enmárcase dentro do programa Artesanía de Galicia. O teu camiño, que tamén inclúe dúas exposicións e a celebración de obradoiros profesionais e para toda a familia.
Cífrase en 122.400 euros a colaboración do Goberno galego con este comedor social en 2015, o que representa un aumento de máis do 30% desde o ano pasado e un 66% desde 2009. A axuda enmárcase na Axenda Social Única de Galicia asinada entre a Xunta de Galicia, a Fegamp e a Rede Galega de Loita contra a pobreza e a exclusión.
