sábado, 26 de julio de 2025
Na xuntanza na que se tomou a decisión participaron tamén o vicepresidente da Fundación, Manuel Peleteiro; o secretario xeral de Política Lingüística, Valentín García; o secretario xeral de Emigración, Antonio Rodríguez Miranda; e Alicia García de la Fuente e José María Vila Alén, ambos os dous vogais designados polo Centro Galicia de Buenos Aires.
Segundo a acta da reunión a entidade considera decisoria para materializar a idea de creación da Fundación a especial relación de Vázquez Portomeñe coa colectividade galega e máis concretamente a fundación do Colexio Santiago Apóstol, un centro que naceu para formar as novas xeracións de galegos en Arxentina, para que se mantivesen os seus vínculos con Galicia, e ser foco difusor da cultura galega. Así mesmo saliéntase a súa figura como intelectual de referencia para os galegos de América e nomeadamente para os de Bos Aires, onde habitualmente asiste a citas de carácter socio cultural e imparte charlas e conferencias que teñen que ver co feito migratorio e a proxección exterior de Galicia a través das súas comunidades do exterior.
Vertebrar a comunidade galega
A Fundación Galicia-América foi constituída en escritura pública outorgada en Santiago de Compostela, o día 23 de xullo de 1996; e declarada de interese cultural por orde do 9 de outubro do mesmo ano. Segundo consta no artigo 4 dos seus estatutos o obxecto da fundación é entre outros promover especialmente todas aquelas accións que, respectando as disposicións legais existentes, fomenten o achegamento da realidade galega a tódolos países americanos onde se atope vertebrada a comunidade galega.
Ao seu abeiro fundouse o Colexio Santiago Apóstolo, que naceu da colaboración entre a Xunta de Galicia e o Centro Galicia de Bos Aires a través da Fundación Galicia América co obxectivo de desenvolver un programa educativo bicultural no país que alberga a maior colonia de galegos na diáspora. O Santiago Apóstolo viña a facer realidade o vello desexo da colectividade de Galicia na Arxentina de contar cun colexio galego, un proxecto que comezou a súa andaina froito do traballo conxunto da Xunta de Galicia e do Centro Galicia de Bos Aires fundado en 1979 nos anos 80 do século XX.
O centro abriu as súas portas en 1998 e nestes 15 anos de historia foi completando a súa oferta educativa ata abranguer os actuais niveis inicial, primario e secundario. Desde 2003 o colexio conta cun departamento de Lingua e Literatura Galega que contribúe aínda máis a reafirmar os valores e riscos da identidade e da cultura do noso país no centro, favorecendo a súa difusión entre o seu estudantado.
A comunidade galega vén de alcanzar varios fitos históricos nos indicadores turísticos do sector hoteleiro rexistrados o pasado mes de xuño cando por primeira vez superou o millón de noites acadando 1.011.613 noites realizadas polos 573.849 visitantes dese mes. Isto tradúcese nun incremento do 5 % en demanda turística e do 7,5 % en número de visitantes; nos dous casos por riba das medias nacionais, que se sitúan no 2,1 % e no 3,3 %, respectivamente. Estas boas cifras tamén se trasladan ao bo rendemento económico ao confirmar que no que vai de ano, de xaneiro a xuño, o sector hoteleiro galego obtivo uns ingresos nominais de 165,5 M, un 4,3 % máis que nos seis primeiros meses de 2024.
Do total das 21 etapas que compoñen esta edición de La Vuelta , tres desenvolveranse por solo galego. En concreto, o paso por Galicia deste certame será entre o 7 e o 10 de setembro. O día 7, na etapa 15, o grupo de competidores entrará na comunidade desde Asturias, no tramo A Veiga/Vegadeo-Monforte de Lemos. Tras dunha xornada de descanso, a competición retómase o día 9 coa etapa 16, que vai de Poio a Mos -rematando en concreto no Castro de Herville-. O día 10 de setembro, La Vuelta despídese da comunidade galega coa etapa 17, que por primeira vez sairá desde O Barco de Valdeorras para chegar, 143 quilómetros despois, ao Alto de El Morredero, xa en Ponferrada.
