viernes, 25 de septiembre de 2026
A Xunta vén de publicar o décimo terceiro informe do Observatorio RSE de Galicia 2018 no que se expón o estado do desenvolvemento da Responsabilidade Social Empresarial (RSE) nas empresas galegas. Trátase dun documento que se elabora cada dous anos. Nesta edición participaron un total de 500 compañías galegas. No informe inclúese por primeira vez unha análise dos Obxectivos de Desenvolvemento Sustentable (ODS) e o impacto na rendibilidade.
Os datos obtidos mostran que as empresas actúan, en materia de RSE, principalmente no ámbito laboral (77,39%), seguido do social (65,71%), do medioambiental (63,28%) e do económico (36,87%).
No eido laboral, as empresas enquisadas presentan taxas altas en formación e promoción do persoal. Así, o 80,49% das firmas que participaron na elaboración do informe afirman ter un plan ou unha política de formación do persoal: nunha escala de 1 a 5, a formación permanente dos traballadores e traballadoras (4,16) e o emprego de calidade (4,06) foron os aspectos máis valorados (importancia alta).
Cun 62,67%, a flexibilidade horaria é a medida máis destacada, seguida da xornada reducida (36,27%). No apartado do documento sobre RSE e desempeño económico, apréciase que as accións a favor dos traballadores en materia de conciliación tradúcense nun incremento do rendemento da empresa. Ademais, reflíctese que as empresas con valores altos de RSE, a nivel global, presentan mellores resultados en termos de rendibilidade, liquidez e crecemento económico, sobre todo, nas grandes empresas.
Doutra banda, o 64,25% das empresas galegas que formaron parte deste estudo coñecen os Obxectivos de Desenvolvemento Sustentable (ODS), sendo os máis sinalados, nos que poderían contribuír en maior medida, o reto 8 (fomentar o crecemento económico sostido, inclusivo e sustentable, o emprego pleno e produtivo, e o traballo decente para todos) e o 5 (lograr a igualdade entre os xéneros e empoderar a todas as mulleres e nenas).
Indicadores medioambientais
O 41,69% das empresas teñen indicadores ambientais para medir o impacto da súa actividade, un dato que mellora nas grandes empresas (75,88%) e medianas (61,11%). Ademais, o 75% das firmas manifestan ter obxectivos medioambientais.
En xeral, algo máis do 80% das pequenas e das microempresas declaran coñecer a RSE superándose o 97% nas medianas e grandes empresas, polo que o informe pon de manifesto que o tamaño da compañía ten moita influencia no grao de implicación na RSE. O 38% das compañías enquisadas afirman contar cunha persoa ou departamento de RSE e un 63,38% aseguran que desenvolven políticas neste ámbito. Ademais, o 79,84% informa os seus empregados dos seus obxectivos e estratexias empresariais.
Por último, é preciso resaltar tamén que no estudo específico das medianas e grandes empresas, o 64,25% afirman que contan cunha política de fiscalidade responsable.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
