viernes, 25 de septiembre de 2026
Esta folla de ruta en materia de clima e enerxía ten como obxectivo global acadar a neutralidade climática de Galicia antes do ano 2050 e para conseguilo, aposta pola implementación de enerxías renovables, o aproveitamento da absorción de CO2 dos montes galegos e a mellora da eficiencia enerxética en todos os sectores.
Ademais da mitigación de emisións, a EGCCE prevé outros tres ámbitos de actuación: a adaptación aos efectos do cambio climático, a sensibilización da cidadanía e a investigación e a innovación.
Así, o reforzo da monitorización dos efectos do cambio climático sobre o territorio galego e a mellora de mecanismos de resposta fronte os eventos climáticos extremos son parte fundamental das pautas de adaptación. Do mesmo modo, a transferencia de coñecemento e a mellora da concienciación e educación social e unha boa gobernanza preséntanse como eixes fundamentais para facer fronte a este reto global dende Galicia.
O Pacto dos Alcaldes
A elección de Galicia para representar ás rexións europeas neste evento é un recoñecemento ao seu labor na loita contra o cambio climático. Cómpre lembrar que a Xunta coordina na comunidade desde o ano 2017 a maior iniciativa global contra este fenómeno: o chamado Pacto dos Alcaldes polo clima e a enerxía.
Este movemento impulsado pola Unión Europea agrupa a preto de 10.000 entidades locais repartidas polos cinco continentes, e a día de hoxe son máis de 150 os concellos galegos que xa están adheridos ou en trámites de facelo, polo que o obxectivo do Goberno autonómico é que a totalidade das entidades locais de Galicia formen parte deste proxecto ao longo do ano 2020.
Todos os concellos pertencentes ao Pacto asumen un compromiso de redución de emisións do 40% para o ano 2030 con respecto ao ano 1990, un modo responsable de facer a súa achega individual a frear o quecemento global. Ao tempo, comprométense a planificar unha serie de medidas que fan máis resiliente cada termo municipal fronte aos efectos do cambio climático, nomeadamente, o aumento de temperatura, da frecuencia dos episodios de seca ou chuvia torrencial, o risco de lume forestal ou a suba do nivel do mar.
Estes compromisos están na liña dos obxectivos marcados pola propia Estratexia Galega de Cambio Climático e Enerxía 2050, o que coloca a Galicia na vangarda da UE en políticas de clima e enerxía e xustifica a súa elección por parte das institucións comunitarias para ofrecer un relatorio sobre a contribución que poden facer as rexións europeas na loita contra o cambio climático.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
