Noticias sociedad
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.832, deles 438 son da área da Coruña, 128 da de Lugo, 231 da de Ourense, 222 da de Pontevedra, 462 da área de Vigo, 302 da de Santiago, e 49 da de Ferrol. Do total de pacientes positivos, 86 permanecen en UCI, 499 están en unidades de hospitalización e 1.247 no domicilio. Polo de agora, en Galicia rexistráronse 47 altas de pacientes e 36 falecementos. Os últimos falecementos corresponden a catro varóns: un deles de 63 anos que estaba ingresado en Ourense; ademais doutro home de 74 anos ingresado no Hospital de Montecelo; outro de 87 anos que estaba ingresado en Santiago; e outro home, tamén de 87 anos que estaba ingresado en Ferrol.
A conselleira de Educación, Universidade e Formación Profesional, Carmen Pomar, participou hoxe na Conferencia Sectorial de Educación, convocada para analizar o impacto e as medidas en relación coa interrupción da actividade lectiva presencial con motivo da declaración do Estado de Alarma por parte do Goberno Central. No encontro houbo consenso xeneralizado de manter o calendario escolar, co obxectivo de transmitir unha mensaxe de continuidade e normalidade respecto ao ámbito académico. Nesta liña, acordouse avaliar o segundo trimestre co traballo desenvolvido ata a interrupción das clases presenciais e modificar os contidos e competencias básicas previstas para o terceiro trimestre.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.598, deles 389 son da área da Coruña, 99 da de Lugo, 186 da de Ourense, 202 da de Pontevedra, 396 da área de Vigo, 288 da de Santiago, e 38 da de Ferrol. Do total de pacientes positivos, 69 permanecen en UCI, 409 están en unidades de hospitalización e 1.120 no domicilio. Polo de agora, en Galicia rexistráronse 25 altas de pacientes e 30 falecementos. Os últimos falecementos corresponden a dous varóns de 82 anos, que estaban ingresados no Complexo Hospitalario Universitario da Coruña, e que tiñan patoloxías previas; e a outro varón de 74 anos, que estaba ingresado no Hospital Montecelo de Pontevedra, e que tamén tiña patoloxías previas.
O presidente do Goberno galego, Alberto Núñez Feijóo, anunciou esta tarde que a Xunta habilitará dúas residencias integradas para a atención das persoas maiores usuarias deste servizo que dean positivo por coronavirus e precisen máis asistencia sanitaria que a que reciben no seu centro. Os que requiran hospitalización, por suposto serán hospitalizados. Logo de precisar que estes centros contarán cun control sanitario intensivo e que os pacientes serán trasladados ao hospital sempre que o requiran, subliñou que para Pontevedra e Ourense se habilita un centro con 93 prazas en Baños de Molgas. E para Coruña e Lugo, habilítase a residencia Porta do Camiño, en Santiago, con 84 prazas.
Hoxe os profesionais do Servizo de prevención e defensa contra incendios forestais (SPDCIF) de Galicia inician a desinfección dos exteriores das residencias de maiores, das de discapacitados e dos centros de saúde dos municipios galegos de menos de 5.000 habitantes. Así, o persoal do SPDCIF actuará en preto de 100 residencias de persoas maiores e de discapacitados e en máis de 460 centros de saúde de 200 concellos do rural durante a situación de emerxencia sanitaria por mor do coronavirus. Os profesionais do SPDCIF desinfectarán estas áreas rurais tan concorridas e nas que existe un risco superior de contaxio.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.374, deles 359 son da área da Coruña, 97 da de Lugo, 152 da de Ourense, 179 da de Pontevedra, 312 da área de Vigo, 239 da de Santiago, e 36 da de Ferrol. Do total de pacientes positivos, 54 permanecen en UCI, 337 están en unidades de hospitalización e 983 no domicilio. Polo de agora, en Galicia rexistráronse 19 altas de pacientes e 22 falecementos. Os últimos falecidos eran un varón de 83 anos, que estaba ingresado no Hospital da Mariña, e que tiña patoloxías previas; e outro varón, de 61 anos, que estaba ingresado no Complexo Hospitalario Universitario da Coruña, e tamén tiña patoloxías previas.
Os hospitais comarcais da rede do Servizo Galego de Saúde, en concreto os hospitais da Barbanza, Burela, Monforte e Valdeorras poñen en marcha o sistema para realizar as probas do coronavirus aos pacientes desde os seus propios vehículos sen que teñan que baixarse deles. Na actualidade xa funciona tamén nos hospitais de Vigo, Ourense, Lugo, Coruña, Pontevedra, Santiago e Ferrol. En total, en todos os puntos de mostraxe dende o inicio desta medida a pasada semana realizáronse 955 probas a pacientes dende os seus vehículos. O hospital da Barbanza xa ten operativo un punto fixo de toma de mostras, nos Hospitais da Mariña e Monforte comezará proximamente, e o Hospital do Barco de Valdeorras iniciará a recollida de mostras mañá.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 1.170, deles 298 son da área da Coruña, 62 da de Lugo, 142 da de Ourense, 164 da de Pontevedra, 278 da área de Vigo, 189 da de Santiago, e 37 da de Ferrol. Do total de pacientes positivos, 46 permanecen en UCI, 270 están en unidades de hospitalización e 854 no domicilio. Polo de agora, en Galicia rexistráronse 19 altas de pacientes e 19 falecementos. O último falecido era un varón de 81 anos que estaba ingresado no Hospital Universitario Lucus Augusti, e que tiña patoloxías previas.
Alberto Núñez Feijóo trasladou a preocupación ante a falta de material comprometido polo Goberno de España e afirmou que a Xunta seguirá traballando a través do Sergas para dotar á Comunidade do material sanitario que precisa. Durante a reunión por videoconferencia co Executivo e cos outros presidentes autonómicos, Feijóo transmitiu as principais preocupacións de Galicia: a necesidade de material sanitario para protexer aos profesionais, para garantir a asistencia sanitaria aos pacientes e para facer os test de recoñecemento; o coñecemento da curva epidemiolóxica, de cara á avaliación da necesidade de camas de UCI e de hospitalización; e a atención das necesidades das residencias de maiores e das residencias de discapacidade.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 885, deles 226 son da área da Coruña, 58 da de Lugo, 95 da de Ourense, 136 da de Pontevedra, 212 da área de Vigo, 130 da de Santiago, e 28 da de Ferrol. Do total de pacientes positivos, 33 permanecen en UCI, 227 están en unidades de hospitalización e 625 no domicilio. Polo de agora, en Galicia rexistráronse 16 altas de pacientes e 14 falecementos. Os dous últimos falecidos foron un varón de 81 anos que estaba ingresado no CHUAC e unha muller de 77 anos ingresada no Hospital Juan Cardona de Ferrol. Os dous tiñan patoloxías previas.
A Xunta aposta por impulsar a presenza das mulleres nos espazos de decisión e liderado, como ferramenta para conseguir inverter as tendencias das desigualdades, especialmente as de xénero. Apela á conciliación e a corresponsabilidade para acadar a igualdade real cos dereitos laborais.
Participará na manifestación que o domingo sae ás 12.00 AM da estación do tren en Santiago. Tamén se sumará ao paro de mulleres de media hora do mércores 8 de marzo.
As cifras de participación son similares aos de anos anteriores, coa novidade de que este ano se inscribiron comparsas máis numerosas, de ata 65 membros. Como é habitual, a súa procedencia vai moito máis alá de Compostela, e participarán no desfile carrozas e comparsas procedentes de lugares como Portonovo, Tomiño ou a localidade asturiana de Tapia.
A directora de Turismo de Galicia destaca a aposta da Administración autonómica por poñer en valor o patrimonio botánico a través da Ruta da Camelia que xa é todo un referente internacional. O Comité da Ruta da Camelia será un paso definitivo para profesionalizar os xardíns.
O grupo de traballo constituído con representantes das facultades de Ciencias da Educación das tres universidades galegas analiza as competencias profesionais docentes en Galicia e reflexiona sobre as que os estudantes de Maxisterio deberían adquirir na carreira e o protocolo das prácticas de grao e máster no ámbito educativo.
A Xunta destaca o papel da Festa da Arribada como referente turístico internacional durante a presentación da edición de 2017 diante do Museo das Peregrinacións de Santiago de Compostela. Os días 3, 4 e 5 de marzoagárdase a participación de máis de 200.000 persoas, e destácase a celebración da Regata do Descubrimento.
O vicepresidente da Xunta e o conselleiro de Política Social mantiveron un encontro traballo coa Comisionada do Goberno para o reto demográfico, Edelmira Barreira, que calificou as medidas de conciliación en Galicia de "boas prácticas". Xunta e Goberno central coordinarán as actuacións no reto demográfico.
Este festexo, que pon en valor un dos produtos máis auténticos de Galicia, conta coa declaración de festa de interese turístico de Galicia desde 2008. A directora xeral de Turismo, Nava Castro, destaca a importancia das nosas festas e feiras gastronómicas na consolidación de Galicia como destino turístico único.
O físico e divulgador Jorge Mira presentou o certame nunha clase aberta na Facultade de Ciencias da Comunicación de Santiago. Os obxectivos do premio consisten en fomentar a divulgación da ciencia e da investigación que se desenvolven nos distintos campus e achegar o xornalismo e a ciencia ao gran público.
Lingua de namorar vai dirixido a mozos e mozas de 14 a 35 anos, que se dividen en dúas categorías de idade: de 14 a 19 e de 20 a 35. As mensaxes participantes deben estar escritas en lingua galega e poden redactarse en prosa ou en verso. A súa extensión máxima será de 350 caracteres, con espazos.
