Buscador
Noticias
Desde finais de 2021, a Universidade de Vigo e Copasa, Sociedad Anónima de Obras y Servicios, están a desenvolver o proxecto Railway Inspection and Information Model (RIIM). Nel, traballan na mellora das operacións de inspección e mantemento da superestrutura de vías férreas empregando sistemas ópticos de última xeración e algoritmos para o tratamento automático de información xeoespacial.
A protonterapia é unha tecnoloxía que nos últimos anos está a experimentar un importante desenvolvemento e ofrece grandes esperanzas no tratamento do cancro. Esta terapia radiolóxica emprega protóns en vez de fotóns, o que diminúe o dano que a radiación pode causar nos tecidos sans que circundan os tumores.
O docente e investigador da UVigo Alexandre Pazos e os maxistrados do Tribunal Superior de Xustiza de Galicia e docentes da UDC, José Fernando Lousada e Ricardo Ron, son os autores de Trabajo a distancia y teletrabajo. Regulación laboral, procesal y de Seguridad Social; teletrabajo transnacional, publicado pola editorial Tecnos.
'Situar a educación no máis alto da axenda política mundial e mobilizar á acción, á solidariedade e á procura de solucións e transformar a educación nun mundo en constante evolución'. Con esta vontade remata o cumio académico e do coñecemento UE-CELAC que se desenvolveu esta semana en Compostela coa USC como institución anfitrioa.
O cumio académico e do coñecemento UE-CELAC traballa dende este xoves na construción dun espazo común euro-latinoamericano e caribeño de educación superior, ciencia, tecnoloxía e innovación que marcará a axenda internacional dos vindeiros meses. Este foro busca continuar o fío aberto na primeira edición, tal e como explicou o reitor da USC e presidente do comité organizador
Tras máis dun mes de representacións a Aula de Teatro do campus, cun elenco composto por máis dunha ducia de actores e actrices, de Vigo foi a encargada de baixar o pano da XXV edición da Mostra Internacional de Teatro Universitario, Miteu. Fixérono baixo a dirección de Casilda Alfaro e Sonia Rúa, coa representación da obra Incendios, de Wajdi Mouawad, na que se fala de tres incendios vitais.
Máis de cen representantes de Órganos de Control Externo do Sector Público europeos reúnense en Santiago de Compostela o día 5 de maio. A temática do encontro será: 'Os órganos rexionais de control externo e a avaliación de resultados. Un intercambio de experiencias'.
O Instituto Galego de Física de Altas Enerxías (IGFAE), centro mixto da USC e a Xunta de Galicia, coordina para os días 9 e 10 de maio un obradoiro científico internacional sobre as oportunidades tecnolóxicas e de investigación aplicada que se abren diante da futura apertura do Centro Galego de Protonterapia no complexo hospitalario compostelán.
O Festival RESIS pecha esta semana a súa sexta edición, cunha ampla proposta de actividades vencelladas á música. Na primeira parte da semana, o festival propón o concerto da Sinfonietta da OSG e a presentación de Plasma, froito do programa de Residencias Artísticas do Gaiás 23. Dunha banda, mañá mércores 3 de maio, o Teatro Rosalía de Castro acolle ás 20:00 o concerto Só hai horizonte.
O FIV de Vilalba volveu brillar na súa décimo sexta edición, reunindo a un total de 6.000 persoas que gozaron de toda a programación do festival repartida entre o Escenario Vibra Mahou e o Escenario Emerxente. Os concertos no Escenario Vibra Mahou FIV foron, sen dúbida, os máis esperados da cita, coas actuacións de Lori Meyers, La Casa Azul, Sidonie, Sidecars, Delaporte, Carlangas, Moura, Hickeys, Berta Franklin e as sesións DJ amenizadas por Tangerine Sistas, Akkan e Ochoymedio Djs.
