Buscador
Noticias
As grandes multinacionais tecnolóxicas Nokia, Techinicolor e Nagra expoñen no Dico Summit 2017 a súa experiencia no sector dos contidos dixitais. O 24 de xaneiro os expertos destas compañías abordan na Cidade da Cultura o presente e o futuro das tecnoloxías sobre as que se sustenta a comercialización, distribución e a seguridade dos contidos dixitais.
A compañía Santa Nómina e a ESAD coproducen este espectáculo, que ocupa en ensaios o escenario do Salón Teatro da capital galega ata o xoves 19 de xaneiro, e se exhibe ao público entre o venres 20 e o domingo 22 de xaneiro. O plan de apoio da compañía institucional a distintos procesos de posta en escena inclúe tamén este ano as montaxes de Desconexión, Tropical e Elisa e Marcela.
A Xunta, o concello de Santiago, a USC, a Asociación Área Empresarial do Tambre e a Cámara de Comercio asinan un acordo para acadar o asentamento de novos proxectos que xeren riqueza e emprego en Compostela e na comunidade. Nos dous últimos anos se venderan preto de 70.000 metros.
Responsables da Consellería de Cultura e Educación e da Universidade de Santiago de Compostela presentaron na Facultade de Xeografía e Historia os resultados dos achados arqueolóxicos no xacemento de Triacastela (Lugo), moi importantes para identificar as nosas máis fondas raíces culturais e sociais.
El MAC inicia "Una que no has visto", un nuevo ciclo de cine de animación infantil de calidad para los sábados entre el 14 de enero y el 18 de febrero. El equipo de Actividades Culturales del MAC ha realizado la selección de títulos del ciclo siguiendo criterios de calidad, sensibilidad y originalidad para el público infantil al que se dirige.
Unha presentación ante profesionais do sector o mércores 18, reunións con empresarios da capital, apoio a eventos internacionais como Xantar ou Termatalia, entre as citas da delegación municipal. O Concello está a colaborar co proxecto Anxela, destinado a mulleres embarazadas e nais recentes.
Santiago de Compostela, a capital de Galicia, recibe o 20 de xaneiro na Feira Internacional de Turismo Fitur 2017 o recoñecemento á cidade con mellor reputación on line de España. O ranking mundial de reputación on line de Trivago elabórase a partires das opinións vertidas polos viaxeiros usuarios da axencia de reservas con máis de 200 millóns desde máis de 200 portais de reserva.
O catedrático Adolfo Sotelo Vázquez, comisario da exposición coa que a Cidade da Cultura conmemora o centenario do Nobel, aborda a personalidade poliédrica do escritor de orixe galega no marco da exposición CJC 1916-2016. O centenario dun Nobel. Un libro e toda a soidade, que acolle o Museo Centro Gaiás ata o 19 de febreiro.
Máis de 60 investigadores de todo o mundo daranse cita entre os días 1 e 3 de febreiro en Santiago para tratar a relevancia social e literaria que adquiriron as mulleres, especialmente a partir do século XII. Estudaranse voces femininas relevantes como Marie de France ou Christine de Pizan e presentaranse recursos dixitais das voces de mulleres na Idade Media, tanto desde o punto de vista histórico como literario.
A Xunta presenta o destino Galicia neste certame aberto tanto a profesionais como ao público final. Esta é a primeira feira internacional á que asiste Turismo de Galicia neste 2017, ano no que levará a oferta turística galega a un total de 46 feiras sectoriais. Os Países Baixos representaron preto dun 2,5% do turismo internacional de Galicia no ano 2016.
