Noticias sociedad
A Consellería de Sanidade vén de publicar un autotest para que a cidadanía poda consultar síntomas e resolver dúbidas relacionadas con esta enfermidade. Coa posta en marcha deste test interactivo, elaborado por persoal sanitario, proporciónase á poboación un sistema áxil e inmediato no que atopar información actualizada sobre cuestións relacionadas co coronavirus. Ademais o feito de que o test personalice as respostas, a través de preguntas concretas, permite ofrecer recomendacións adaptadas á situación particular de cada persoa. Esta nova ferramenta de información e consulta, súmase a outras iniciativas relacionadas coa atención a esta enfermidade, como o teléfono gratuíto 900 400 116.
A Dirección Xeral de Saúde Pública da Consellería de Sanidade informa que, na última actualización de hoxe, o número de casos de coronavirus en Galicia ascende a 239, deles 80 son da área da Coruña, 16 da de Lugo, 28 da de Ourense, 26 da de Pontevedra, 46 da área de Vigo, 37 da de Santiago, e 6 da de Ferrol. Do total de pacientes positivos, 9 permanecen en UCI, 49 están en unidades de hospitalización e 181 no domicilio. Por outra banda, rexistráronxe xa as 4 primeiras altas de pacientes, no Complexo Hospitalario Universitario da Coruña; e tres falecementos. O último dos éxitus rexistrouse no Complexo Hospitalario Universitario da Coruña. Trátase dun varón, de 45 anos, e que tiña varias patoloxías previas.
O Centro de Coordinación Operativa (Cecop) aprobou, tras unha xuntanza presidida polo responsable do Goberno galego, Alberto Núñez Feijóo, un acordo no que se concretan e amplían as medidas de prevención para conter o contaxio do coronavirus, que entrarán en vigor hoxe luns. Deste xeito, blíndanse os servizos básicos ás persoas sen fogar no actual contexto de emerxencia sanitaria. A tal efecto, a Xunta velará pola apertura de todos os albergues sociais para que as persoas sen fogar poidan dispor dun servizo de pernoita, extremando as precaucións na liña das recomendacións das autoridades sanitarias.
A Dirección Xeral de Saúde Pública da Consellería de Sanidade informa que, na última actualización de hoxe, o número de casos de coronavirus en Galicia ascende a 189, deles 72 son da área da Coruña, 9 da de Lugo, 22 da de Ourense, 18 da de Pontevedra, 36 da área de Vigo, 27 da de Santiago, e 5 da de Ferrol. Do total de pacientes positivos, 8 permanecen en UCI, 33 están en unidades de hospitalización e 148 no domicilio. Por outra banda, rexistráronse xa as 4 primeiras altas de pacientes, no Complexo Hospitalario Universitario da Coruña; e dous falecementos. O segundo falecemento foi dun home de 81 anos, con varias patoloxías, que se atopaba ingresado no Hospital Montecelo de Pontevedra, e que dera positivo importado na proba de coronavirus. O número de PCR realizadas é de 1.390.
O presidente do Goberno galego, Alberto Núñez Feijóo, apelou hoxe á lealdade entre administracións e entre os cidadáns para seguir actuando nesta crise desde a unidade e a coordinación. Este estado de alarma require unha recíproca lealdade duns e doutros, entre todas as administracións públicas, porque son os cidadáns aos que servimos e son os que marcan a necesidade da coordinación, da responsabilidade e da unidade, dixo. Tras presidir a primeira reunión do Centro de Coordinación Operativo (Cecop), posto en marcha para facer fronte á emerxencia do coronavirus, Feijóo incidiu en que a reacción ha de ser colectiva e tenaz. E fixo un chamamento á tranquilidade nalgúns ámbitos.
O presidente do Goberno galego, Alberto Núñez Feijóo, informou hoxe, tras a reunión extraordinaria do Consello da Xunta, da declaración da situación de emerxencia sanitaria de interese galego. Unha declaración, precisou, que poderá implicar a reorganización funcional dos servizos administrativos e as modificacións orzamentarias necesarias para afrontar a emerxencia. Así mesmo, subliñou que con esta declaración actívase, tamén, o Plan Territorial de Emerxencias de Galicia, de tal forma que, será o propio presidente da Xunta quen asuma a coordinación de todas as actividades de emerxencia.
O ano pasado 90 persoas morreron en accidentes de tráfico nas estradas galegas. Trátase dunha cifra inferior en case un 14% á rexistrada no anterior exercicio, evidencia incuestionable dunha tendencia moi positiva na loita social contra este problema colectivo. Pero cada unha desas vidas perdidas supón un drama para unha familia e unha chamada de atención sobre a necesidade de seguir traballando en todas as frontes ata reducir a cero os números este rexistro negro. Sumar para restar, é o atinado lema dos activistas da seguridade viaria. Consolidar o balance anual de falecidos nas estradas por debaixo da barreira das 100 vítimas é un logro froito do esforzo realizado por toda a sociedade nos últimos anos contra esta lacra.
A Dirección Xeral de Saúde Pública da Consellería de Sanidade informa que, na última actualización de hoxe, o número de casos confirmados de coronavirus en Galicia ascende a 135, deles 55 son da área da Coruña, 7 da de Lugo, 15 da de Ourense, 13 da de Pontevedra, 23 da área de Vigo, 17 da de Santiago, e 5 da de Ferrol. Debido ao cambio de protocolo introducido polo Ministerio, infórmase sobre os casos de infección con resultado positivo realizados na nosa Comunidade Autónoma. Do total de pacientes positivos, 7 permanecen en UCI, 27 están en unidades de hospitalización e 101 no domicilio. Por outra banda, rexistráronse xa as tres primeiras altas de pacientes, no Complexo Hospitalario Universitario da Coruña
O Colexio Oficial de Traballo Social puxo en marcha en maio do ano pasado a quenda de garda social, especializada e permanente, para atender a mulleres vítimas de violencia de xénero e aos seus fillos e fillas menores. Este servizo, implantado ao abeiro do desenvolvemento en Galicia das medidas do Pacto de Estado contra a Violencia de Xénero, permite que as vítimas reciban por parte dun profesional de apoio e dende o momento da presentación da denuncia, unha atención integral e información sobre os dereitos, axudas e recursos á súa disposición. O servizo de garda pode ser activado polas forzas e corpos de seguridade de Galicia, ou ben polos xulgados con competencias en materia de violencia de xénero.
O presidente da Xunta, Alberto Núñez Feijóo, avanzou hoxe, na rolda de prensa do Consello, a posta en marcha de novas actuacións centradas na prevención para conter o contaxio do coronavirus, seguindo os consellos dos expertos na materia. Deste xeito, no eido educativo, anunciou a suspensión das actividades lectivas e extraescolares en todos os niveis educativos, a partir do vindeiro luns e durante 14 días -a partir do luns de forma oficial e a partir de mañá de forma recomendada-. Se os pais e as nais teñen dificultades para organizarse, os centros van estar abertos mañá, pero a partir do luns, desde o punto de vista de aceptación de alumnos, quedarán pechados, explicou.
O conselleiro de Sanidade, Jesús Vázquez Almuiña, inaugurou na Cidade da Cultura a xornada TransformaS. Afirma que a estratexia e os investimentos no ámbito das TICs supoñen unha vantaxe competitiva da Comunidade con respecto a outros sistemas de saúde. Salienta o potencial do Sergas para xerar coñecemento e actuar como motor da economía galega.
A Xunta aposta por impulsar a presenza das mulleres nos espazos de decisión e liderado, como ferramenta para conseguir inverter as tendencias das desigualdades, especialmente as de xénero. Apela á conciliación e a corresponsabilidade para acadar a igualdade real cos dereitos laborais.
Participará na manifestación que o domingo sae ás 12.00 AM da estación do tren en Santiago. Tamén se sumará ao paro de mulleres de media hora do mércores 8 de marzo.
As cifras de participación son similares aos de anos anteriores, coa novidade de que este ano se inscribiron comparsas máis numerosas, de ata 65 membros. Como é habitual, a súa procedencia vai moito máis alá de Compostela, e participarán no desfile carrozas e comparsas procedentes de lugares como Portonovo, Tomiño ou a localidade asturiana de Tapia.
A directora de Turismo de Galicia destaca a aposta da Administración autonómica por poñer en valor o patrimonio botánico a través da Ruta da Camelia que xa é todo un referente internacional. O Comité da Ruta da Camelia será un paso definitivo para profesionalizar os xardíns.
O grupo de traballo constituído con representantes das facultades de Ciencias da Educación das tres universidades galegas analiza as competencias profesionais docentes en Galicia e reflexiona sobre as que os estudantes de Maxisterio deberían adquirir na carreira e o protocolo das prácticas de grao e máster no ámbito educativo.
A Xunta destaca o papel da Festa da Arribada como referente turístico internacional durante a presentación da edición de 2017 diante do Museo das Peregrinacións de Santiago de Compostela. Os días 3, 4 e 5 de marzoagárdase a participación de máis de 200.000 persoas, e destácase a celebración da Regata do Descubrimento.
O vicepresidente da Xunta e o conselleiro de Política Social mantiveron un encontro traballo coa Comisionada do Goberno para o reto demográfico, Edelmira Barreira, que calificou as medidas de conciliación en Galicia de "boas prácticas". Xunta e Goberno central coordinarán as actuacións no reto demográfico.
Este festexo, que pon en valor un dos produtos máis auténticos de Galicia, conta coa declaración de festa de interese turístico de Galicia desde 2008. A directora xeral de Turismo, Nava Castro, destaca a importancia das nosas festas e feiras gastronómicas na consolidación de Galicia como destino turístico único.
O físico e divulgador Jorge Mira presentou o certame nunha clase aberta na Facultade de Ciencias da Comunicación de Santiago. Os obxectivos do premio consisten en fomentar a divulgación da ciencia e da investigación que se desenvolven nos distintos campus e achegar o xornalismo e a ciencia ao gran público.
