lunes, 22 de diciembre de 2025
A directora xeral de Avaliación e Reforma Administrativa e secretaria xeral da Igualdade por delegación, Natalia Prieto, destacou hoxe o importante papel dos traballadores sociais para loitar pola igualdade e a xustiza social, así como na atención ás vítimas de violencia de xénero.
Na súa participación hoxe na inauguración da I Xornada Galega de Traballo Social e Feminismos, destacou a importancia deste evento para compartir entre os profesionais deste sector habilidades de prevención e intervención desde unha perspectiva feminista.
A Xunta puxo en marcha en maio do ano pasado, a través dun convenio co Colexio Oficial de Traballo Social, a quenda de garda social, especializada e permanente, para atender a mulleres vítimas de violencia de xénero e aos seus fillos e fillas menores.
Este servizo, implantado ao abeiro do desenvolvemento en Galicia das medidas do Pacto de Estado contra a Violencia de Xénero, permite que as vítimas reciban por parte dun profesional de apoio e dende o momento da presentación da denuncia, unha atención integral e información sobre os dereitos, axudas e recursos á súa disposición.
O servizo de garda pode ser activado polas forzas e corpos de seguridade de Galicia, ou ben polos xulgados con competencias en materia de violencia de xénero. O procedemento comeza cunha chamada ao Teléfono de Información ás Mulleres (900 400 273), que se porá en contacto co profesional de garda para garantir a súa presenza inmediata.
A quenda de garda social súmase así á quenda de garda psicolóxica que se puxo en marcha por vez primeira a finais de 2018 a través dun convenio co Colexio Oficial de Psicoloxía de Galicia. De feito, a intervención do traballador ou traballadora social actívase unha vez iniciada ou finalizada a actuación dos profesionais de psicoloxía.
Referentes e visibilidade
Na súa intervención, Prieto destacou tamén dous conceptos fundamentais para avanzar na igualdade: os referentes e a visibilización. Neste sentido, puxo en valor a figuras como Concepción Arenal, que inspirou a moitas mulleres e axudoulles a reivindicar o seu espazo.
Precisamente, a existencia de referentes favorece tamén a visibilización da muller en pé de igualade cos homes e isto, á súa vez, leva á normalidade en todos os ámbitos da sociedade.
Por último, Prieto puxo tamén en valor a importancia da educación para poder construír unha sociedade máis igualitaria e xusta.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
