Buscador
Noticias
A obra do máis recoñecido dos autores escandinavos pode verse ata finais do ano 2018 no Centro Galego de Artes da Imaxe (CGAI)-Filmoteca de Galicia, comezando por títulos como Xogos de verán, Un verán con Mónica ou Amorodos salvaxes. Continúa no mes de maio coa célebre O sétimo selo.
Gonzalo Caballero perfila unha folla de ruta de intensa actividade cos parlamentarios socialistas para ofrecer á sociedade unha alternativa á dereita nas eleccións municipais e europeas de 2019. Os socialistas galegos presentarán 301 emendas aos orzamentos do Estado para sumar máis de 600 millóns de euros en inversións en Galicia.
A xornalista monfortina Julia Otero é a gañadora da XIV Edición do Premio José Couso de Liberdade de Prensa, organizada polo Colexio Profesional de Xornalistas de Galicia (CPXG) e o Club de Prensa de Ferrol. A premiada afirmou sentirse "abrumada e mandou "un recordo especial" á familia de Couso.
O secretario xeral dos populares galegos, Miguel Tellado, asegurou que tanto o goberno provincial de Lugo como o goberno municipal de Ferrol son a zona cero da inestabilidade e dos gobernos contra a vontade maioritaria dos cidadáns, xa que amosaron a súa incapacidade para chegar a acordos cos seus socios e para manter a unidade dos partidos.
Os Encontros para a Normalización Lingüística, organizados polo Centro de Documentación Sociolingüística do CCG coa colaboración da Secretaría Xeral de Política Lingüística, cumpren dúas décadas arredor da normalización lingüística cun programa no que, baixo o subtítulo de Paso a paso, man con man. Deporte e lingua.
Holi Gaiás forma parte del programa de Cidade Verde para poner en valor los espacios verdes de la Cidade da Cultura e incluye caminatas y una demostración de cometas. Las actividades están patrocinadas por Viaqua con la colaboración de la Fundación USC Deportiva y la Federación Galega de Atletismo. Está inspirada en el festival 'Holi' de la India.
Promovida polo Centro de Emprendemento do Gaiás, a iniciativa busca apoiar, formar e pór en valor profesionais e emprendedores do sector cultural e creativo. Nesta primeira edición CREAGAIÁS pon o acento na importancia da marca e imaxe persoal para emprendedores e profesionais do sector creativo, e en como xestionala de forma eficaz a través das redes sociais. Lanzouse un concurso dirixido a instagramers para publicar fotografías relacionadas co emprendemento.
Un total de 13 científicos (8 deles en activo na actualidade) beneficiáronse deste apoio para crear e consolidar as súas propias liñas de traballo. O conselleiro Román Rodríguez mantivo unha xuntanza cos últimos tres Starting Grants cunha axuda de 700.000 euros.
O sindicato censura que o Estado reducise nos últimos anos a súa achega ao sistema de atención á dependencia (SAAD): en vez de sufragar a metade, como marca a lei, só cobre a cuarta parte. O informe destaca que o 17,64 % das persoas dependentes non recibiron en 2017 a prestación a que tiñan dereito.
Enmarcado no Plan Eduemprende, vai dirixido ao alumnado das ensinanzas de formación profesional, deportivas ou de artes plásticas, e este ano está dotado cun total de 12 millóns de euros. Avaliarase a viabilidade técnica, financeira e comercial dos proxectos presentados, así como a coherencia e carácter innovador dos proxectos, entre outros.
