Actualidad de Tecnología

A busca de determinantes xenéticos e biomarcadores xenómicos de risco que podan predispor a sufrir unha infección a causa do virus SARS-CoV-2 máis grave, ou que mesmo podan causar a morte en persoas aparentemente sen factores de risco asociado, é o principal obxectivo da investigación dirixida polo catedrático da USC, responsable do grupo de Medicina Xenómica e director da Fundación Pública Galega de Medicina Xenómica do SERGAS, Anxo Carracedo.

O director do Observatorio Astronómico Ramón María Aller da USC, José Ángel Docobo, explica que o obxecto voador avistado este martes desde Galicia corresponde a unha das fases do foguete ruso lanzado para levar carga á Estación Espacial Internacional (EEI). O catedrático da USC fixo estas declaracións logo das preguntas achegadas por diversos medios de comunicación para intentar explicar a espectacular imaxe dun voluminoso obxecto luminoso, unha escena gravada en vídeo e que pronto espertou todo tipo de polémicas nas redes sociais.

O Plan de Promoción do Talento Dixital da Xunta (DigiTalent) suma unha nova iniciativa ao seu catálogo de actuacións, coa incorporación da edición especial de Campus Dual, unha iniciativa impulsada polo Clúster TIC Galicia, asinante do Pacto Dixital e adherido ao Plan, que ofrece capacitación no ámbito tecnolóxico. Os cursos terán unha duración de 12 semanas e organizaranse en grupos de 9 alumnos e equipos de 3. O prazo de inscrición termina este xoves e o curso comezará o luns, 27 de abril.

A Amtega, a través da Rede CeMIT, continúa ofrecendo formación dixital online, a través a plataforma de teleformación EMA, que conta cun amplo catálogo de cursos para poder continuar formándose no eido dixital sen saír da casa. Os cursos están catalogados desde un nivel máis básico, como o uso da tableta, o aproveitamento do smartphone, as redes sociais, ata o uso da administración electrónica, operacións dixitais o tratado de imaxes e vídeos, etc.

A plataforma de micromecenado Sumo Valor acaba de abrir unha nova liña destinada a acelerar o proceso de investigación contra a COVID-19, para fomentar e reforzar liñas de investigación relacionadas co SARS-CoV-2, integrando áreas de coñecemento diversas cunha perspectiva holística. Os fondos destinaranse á detección do virus en diferentes matrices, investigación en vacinas, análises dos impactos económicos, modelización da pandemia e estudos epidemiolóxicos

O Centro Demostrador TIC da Amtega continúa a súa actividade divulgativa e formativa para pemes e autónomos con diversas actividades en streaming, que nestes días están rexistrar notables incrementos de participación. Con estas sesións, en colaboración con diversos axentes tecnolóxicos da Comunidade e que teñen o formato #DemosXweb, búscase fomentar o teletraballo e tratar diversos aspectos de utilidade á hora de adoptar esta modalidade de traballo.

A USC acaba de transferir o seu procedemento de produción do xel sanitizante a outras catro universidades españolas (Granada, Almería, Cantabria e Politécnica de Valencia) así como ás de Verona (Italia), Surrey e Edimburgo (Reino Unido) e á Universidade Católica de Perú. Estas institucións interesáronse pola iniciativa da USC que xa ten posto a disposición da administración autonómica galega arredor de 5.000 botellas do xel.

A Axencia para a Modernización Tecnolóxica de Galicia (Amtega) publica hoxe dúas guías para facilitar o teletraballo a empresas e autónomos e a cidadáns. Os documentos están dispoñibles xa nas webs do CDITC e Faite Dixital, e nelas poderán atopar información sobre ferramentas, necesidades e tecnoloxías que posibilitan o traballo en remoto. A información das guías complementarase con post diarios que se publicarán tamén nestes portais.

A xornada, na que participaron un total de 180 alumnos de 3º e 4º da ESO e na que colaboraron a Fundación Española para la Ciencia y la Tecnología (Fecyt) e Inta, Boeing, Indra e Babcock, incluíu o programa educativo Science Truck, que busca entreter e espertar o interese dos máis novos pola ciencia, así como unha demostración de proxectos que se están levando a cabo nas instalacións de Rozas. O obxectivo da actividade era achegar aos rapaces a este sector innovador a través do Polo Aeroespacial de Galicia.

A Escola Técnica Superior de Enxeñaría (ETSE) acolle este xoves e venres 27 a reunión de posta en marcha do proxecto 'Establishment of training and research centers and course development on Intelligent Big Data Analytics in Central Asia' (ELBA). Este proxecto de formación de capacidades, que coordinarán a USC e o CiTIUS, participan tamén outras institucións de Uzbekistán, Kazakhstán, Kirgizistán e Tadzhikistán, Italia e Eslovenia, e reúne a máis de 30 membros da comunidade universitaria de Asia Central e Europa.