Archivo (7 del 2022)

Preto da metade da pescada que captura a frota española ten que percorrer unha media de 12.000 km ata chegar a España. Isto débese a que só o 8% da pescada consumida en territorio español procede de zonas nacionais de pesca. Por primeira vez, un estudo da USC reconstrúe a pegada de carbono que xera a cadea agroalimentaria da pescada e evidencia que as emisións de gases de efecto invernadoiro desta cadea alcancen as 681 quilotonealdas de CO₂e.

A Universidade da Coruña posiciónase na élite da formación naval tras asinar un acordo con Siemens para poñer en marcha unha Aula no Campus Industrial de Ferrol coa que impulsar a formación en transformación dixital do sector. O reitor, Julio Abalde, e o director do Centro de Excelencia do Sector Naval (CESENA) de Siemens, Javier Fernández, asinaron o convenio de colaboración para a dotación dunha aula específica coas ferramentas de Siemens para a construción naval.

As investigadoras e investigadores en estudos literarios, culturais e tradución e interpretación teñen esta semana unha cita na UVigo, onde botou a andar o I Coloquio Internacional BiFeGa: Literatura, Cultura e Tradución e Interpretación, unha cita organizada polo grupo de investigación BiFeGa-UVigo, un equipo composto na actualidade por máis de medio cento de especialistas, na que participan como poñentes 25 expertas e expertos.