Buscador
Noticias
A Fundación DIDAC e DKV Seguros inauguran o proxecto Con_secuencias. Colección DKV, consistente en tres exposicións que ocuparán outros tantos espazos culturais de Compostela como son a Igrexa da Universidade, a Fundación Museo Eugenio Granell e a Fundación DIDAC.
O patrimonio cultural da provincia volve a ser a imaxe da Semana das Industrias Culturais e Creativas, "Ourense ICC Week" que organiza a Deputación de Ourense e que nesta quinta edición centra a súa imaxe no Xadrez de San Rosendo, oito misteriosas pezas de cristal conservadas na Catedral de Ourense e que constitúen un dos vestixios máis antigos deste xogo en toda Europa.
Xantar, Salón Internacional de Turismo Gastronómico, celebra a súa vixésima edición en Expourense a partir do mércores que vén, día 6, ata o domingo, día 10 de febreiro. Este ano a feira reúne a 283 expositores achegados de 12 países: España, Portugal, Brasil, Panamá, Costa Rica, México, Colombia, Perú, Cuba, Arxentina, Nicaragua e Italia. Así, Xantar cumpre 20 anos e o celebra presentando o programa de actividades máis internacional.
A Amtega en colaboración coas empresas do sector tecnolóxico pon en marcha cinco novas actividades do Plan de Promoción do Talento Dixital de Galicia 2020, DigiTalent. Nos primeiros meses do ano, cobran especial relevancia as iniciativas orientadas á infancia e adolescencia para o impulso das vocacións científico-tecnolóxicas, que se suman a outras xa en marcha. Así a semana pasada a Amtega abriu o prazo de inscricións da segunda edición programa Tecnólogo por un día.
Este sábado, no Paseo dos Soños de Vilalba vaise erixir o Hectómetro Literario correspondente a Alfonso Blanco Torrado, crego e promotor cultural, que desde a súa chegada de Ponteceso a Guitiriz hai máis de corenta anos, revolucionou a cultura da Terra Chá, dando vida a incontables iniciativas entre as que destaca con luz propia o Festival de Pardiñas. Intervirán persoeiros das letras e da cultura, xente de Xermolos, a alcaldesa de Guitiriz e o Alcalde de Vilalba, o gaiteiro Raul Galego e o cantautor Miro Casabella.
