Noticias politica
A Xunta defenda a Lei do litoral de Galicia como norma innovadora e referente a seguir para a xestión integrada da costa, tal e como salientou a vicepresidenta segunda e conselleira de Medio Ambiente, Territorio e Vivenda, Ángeles Vázquez durante a súa intervención na clausura do XI Congreso internacional de ordenación do territorio que se celebrou esta semana en Xixón. Logo de subliñar que Galicia é a primeira comunidade que impulsa unha lei para regular o seu litoral en toda a súa extensión, tanto zona terrestre como área mariña, a vicepresidenta segunda incidiu no compromiso inquebrantable que ten a Comunidade coa sostibilidade ao entender a costa desde unha tripla perspectiva social, ambiental e económica.
A Xunta de Galicia urxiu hoxe ao Consello de Estado a que lle traslade 'canto antes' o seu ditame sobre a Lei de ordenación e xestión integrada do litoral de Galicia no que se basea o recurso de inconstitucionalidade en contra desta norma, cuxa presentación foi anunciada a pasada semana na rolda de prensa posterior á reunión do Consello de Ministros. Logo de subliñar que a única comunicación oficial sobre esta cuestión foi unha chamada telefónica ao presidente da Xunta, a vicepresidenta segunda e conselleira de Medio Ambiente, Territorio e Vivenda, Ángeles Vázquez, exixiu 'claridade e respecto' ao Goberno central porque a Lei do litoral 'non vai contra a Constitución nin vai contra a Lei de costas', senón que responde á defensa dos lexítimos intereses de Galicia en base ás competencias recollidas no Estatuto de Autonomía.
Galicia compartiu xunto a representantes de Aragón, Andalucía, Cantabria, Castela e León, Murcia e A Rioxa, a inquedanza polo status de protección do lobo ibérico no conxunto de España, unha situación que complica o mantemento do equilibrio entre a especie e a actividade do sector primario, co que comparte territorio. Durante un encontro para estreitar lazos e compartir posibles liñas de actuación en materias de interese común no eido medioambiental, defendeu a necesidade de que as autoridades comunitarias coñezan de primeira man a realidade da especie en cada rexión.
Os presidentes galego e asturiano apostan por manter a colaboración e unión entre os respectivos gobernos para facer fronte a desafíos comúns como o reto demográfico, a financiación autonómica, a posta en marcha do Corredor Atlántico Noroeste ou o aumento do turismo no norte da Península. Subliñan tamén a necesidade de abordar a reforma do sistema de financiación autonómica para adaptala a indicadores de poboación como o avellentamento ou a dispersión, e apostan porque Galicia e Asturias fagan un fronte común para exixir cambios.
O Foro Celta nace co obxectivo fundamental de converter a unión destes territorios en motor de desenvolvemento sustentable, de prosperidade e de benestar para as súas poboacións. Trátase así de sumar esforzos para a posta en valor do patrimonio cultural destes territorios, da optimización dos recursos comúns e a posta en común dunha visión de futuro compartida. A Declaración de Rennes, asinada por todos os asistentes, recolle a aposta destes pobos por reforzar a cooperación intercéltica nas relacións institucionais, no eido das actividades marítimas, na educación e a formación a prol da mobilidade, na valorización, promoción e coñecemento do patrimonio, e no desenvolvemento das enerxías renovables.
Esta lei, que foi aprobada polo Parlamento o pasado 4 de xullo, permitirá consolidar o futuro da costa galega, dos seus valores naturais, patrimoniais, paisaxísticos e económicos ao mesmo tempo que se outorga seguridade xurídica ás actividades que se realizan nela e que supoñen o modo de vida da cidadanía que alí reside. Esta normativa protexe e garante o futuro de Galicia, ademais de supor a xestión desde a Comunidade desta materia e seguridade xurídica para o noso litoral. De feito, a lei inclúe nun só texto todas as políticas, sectores e instancias administrativas que teñen relación co litoral coa creación de órganos de participación, colaboración e intercambio.
O Plan de prevención e defensa contra os incendios forestais de Galicia (Pladiga) 2023 procura a redución das consecuencias ecolóxicas, económicas e sociais dos incendios forestais, dentro das posibilidades que ofrecen os recursos dispoñibles. Este Pladiga 2023 ten catro liñas de actuación diferenciadas: prevención; detección, disuasión, investigación e medidas correctoras; extinción e formación, e ofrece este ano una serie de novidades, como son a creación dunha unidade de directores de extinción especializada en grandes incendios forestais, tres novas brigadas públicas helitransportadas, a ampliación da rede de videovixilancia forestal, a incorporación de novas melloras tecnolóxicas, a actualización das parroquias de alta actividade incendiaria e o reforzo do Plan de formación.
A conselleira de Infraestruturas e Mobilidade, Ethel Vázquez, en resposta a unha pregunta no Pleno do Parlamento, instou ao Executivo central a que destine os medios materiais e humanos necesarios para axilizar a execución desa solución completa na autovía e garantir dese xeito a seguridade viaria.
Salientou que a rectificación do Goberno, que agora se avén a executar por emerxencia e de xeito simultáneo as obras dos dous viadutos, demostra que a Xunta tiña razón, que as súas valoración técnicas eran correctas e a súa proposta era a máis acertada.
O presidente da Xunta, Alfonso Rueda, asistiu esta mañá ás tomas de posesión do novo delegado territorial de Pontevedra, Agustín Reguera, e da representante do Goberno autonómico en Vigo, Ana Ortiz. Durante a súa intervención, o titular do Executivo galego resaltou a experiencia, o compromiso e a dedicación dos novos delegados e agradeceu a entrega no desenvolvemento deste traballo dos seus predecesores, Luis López e Marta Fernández-Tapias, respectivamente. Rueda instou os novos delegados a seguir mantendo intactos o compromiso, humildade e bo talante que lles caracterizou nas súas responsabilidades anteriores para continuar a traballar sempre co único obxectivo de facer avanzar Galicia e buscar o mellor para os galegos e galegas.
Galicia e Portugal buscan sinerxías que permitan seguir estando á vangarda da cooperación e mellorando a economía e a capacidade de atender a cidadanía, no encontro entre o vicepresidente segundo e conselleiro de Presidencia, Xustiza e Deportes, Diego Calvo, e o presidente da Comisión de Coordinación e Desenvolvemento Rexional do Norte de Portugal (CCDR-N), Antonio Cunha, organizado pola Confederación de Empresarios de Galicia. Un dos obxectivos prioritarios para Galicia é a busca de novas vías de colaboración co país luso para a consolidación da Eurorrexión como referente de cooperación institucional, económica e cultural.
Dígalle ao seu xefe que se ten cartos para rescatar as radiais madrileñas rescate a AP-9 e deixe de tratarnos como cidadáns de segunda, insta a deputada do BNG, Ana Pontón, que lle propón que exerza como presidente e defenda un financiamento xusto, fondos para a dependencia, transferencia da AP-9 e modernización do tren.
O portavoz do Grupo Popular, Pedro Puy, fixou como retos para a presente lexislatura consolidar o crecemento económico e contribuír a seguir mellorando o Estado do Benestar. Así mesmo, afirmou que no novo sistema de financiamento autonómico o que interesa a todos, en especial e Galicia, é que sexa capaz de garantir recursos para que as comunidades autónomas presten en condicións de igualdade mínima os servizos públicos fundamentais.
O presidente da Xunta presentou a Miguel Santalices no almorzo informativo organizado por Nueva Economía Forum-Tribuna Galicia. Feijóo reivindica o papel do Parlamento para debater, acordar e decidir o futuro, do único xeito que é posible: con respecto á legalidade. Incide en que o realmente útil para os cidadáns non son as discusións que nunca chegan a ningures.
O portavoz do Grupo Socialista, Xoaquín Fernández Leiceaga, criticou que o presidente da Xunta teña demostrado que non está á altura das necesidades de defensa dos intereses de Galicia. Así o dixo nun almorzo informativo, xunto coa viceportavoz Patricia Vilán, no que presentaron as liñas estratéxicas de oposición para o próximo ano, centradas no emprego, a sanidade ou o financiamento autonómico.
O secretario xeral dos populares galegos, Miguel Tellado, valorou o mandato de Xulio Ferreiro tras superarse amplamente o ecuador da lexislatura municipal e asegurou que vai camiño de ser nada máis que unha oportunidade perdida para a cidade da Coruña, que presentou os peores datos de desemprego das urbes galegas en 2017
En Marea comeza este 2018 coa súa axenda ateigada de actos políticos, incluído un debate sobre a renda básica universal, a extensión das xornadas por un territorio vivo para todo o país e unha xornada sobre as propostas económicas de En Marea para que, a maiores de saír da recesión, se poda dicir que tamén se sae dos anos de crise.
A organización xuvenil do BNG celebrou unha rolda de prensa para anunciar que neste ano 2018 se cumprirán 30 anos da celebración da súa I Asemblea Nacional, que tivo lugar os días 23 e 24 de xullo do 1988. O BNG conmemorará esta efeméride ao longo de todo o 2018 e percorrendo todo o país.
O secretario xeral do PSdeG-PSOE, Gonzalo Caballero, perfilou unha axenda de traballo intensa para presentar un proxecto galego e galeguista dende a esquerda. Os socialistas galegos, explicou, iniciarán unha folla de ruta a pé de país con xuntanzas itinerantes da dirección dirixidas a intensificar a súa presenza nos concellos.
O portavoz do Grupo Socialista, Xoaquín Fernández Leiceaga, reclamoulle ao presidente da Xunta que erga a bandeira de Galicia para plantarse diante de Rajoy e reivindicar as infraestruturas pendentes .Os socialistas preguntaranlle a Feijóo no vindeiro Pleno polo esforzo do Goberno central en relación co impulso ás infraestruturas en Galicia.
Tras o anuncio de que se vai abrir o melón constitucional, a viceportavoz parlamentaria, Olalla Rodil, salientou que Galiza ten que buscar a súa propia vía e ser protagonista nese posible escenario. Galiza ten que ser protagonista, liderar o seu propio futuro e non pode quedar inmóbil nin marxinada neste horizonte que se abre no Estado español".
