jueves, 25 de abril de 2024
Pedro Puy manifestou que o crecemento económico permite crear emprego, que é o obxectivo fundamental desta lexislatura, e esta xeración de emprego permite que as administracións públicas dispoñan de máis recursos para axudar a aqueles que por mor da crise quedaron fóra do sistema e con dificultades para incorporarse a el.
Respecto do novo sistema de financiamento autonómico, o portavoz popular lembrou que a crise demostrou a febleza dese sistema para o mantemento dos servizos públicos fundamentais que son prestados polas comunidades autónomas, polo que unha vez superada a crise é o momento de abordar a súa reforma.
Hai que abordar o tema, non con presas senón con seriedade como o está a facer o Goberno, porque segundo dixo Puy o que interesa a todos, e en especial a Galicia, é que o sistema sexa capaz de garantir recursos para que as comunidades autónomas presten en condicións de igualdade mínima os servizos públicos fundamentais.
Cuestionado sobre a reunión mantida entre o Presidente da Xunta e o secretario xeral do PSdeG, Puy dixo que este tipo de encontros debería ser algo normal, porque o que é atípico é que a oposición nunca fale ou pretenda chegar a acordos coa maioría.
Neste sentido, fixo referencia á Comisión de Estudo sobre a política forestal e a loita contra os incendios onde, logo do bo inicio que tivo o pacto en materia forestal na tramitación da Lei de medidas, confiou que sexamos capaces de chegar a acordos en políticas concretas. Contra o lume non se pode loitar se non hai un acordo entre as administracións e un traballo conxunto, dixo.
Pedro Puy considerou moi lóxico que a figura política de Alberto Núñez Feijóo sexa valorada a nivel nacional, entre outras cousas porque revalidar, en medio da peor crise que tivo o país en moitas décadas, a maioría absoluta reflicte que hai unha forma de facer política que é avaliada polos votantes.
Neste sentido, engadiu que Feijóo ten dito que o seu compromiso é rematar a lexislatura, que aínda non se cumpriu o seu primeiro terzo de andadura, e todos pensamos que o Presidente está a facer unha excelente labor desde a Xunta e non ten pensado abandonala.
Respecto das enquisas publicadas hoxe nos medios de comunicación, Pedro Puy sinalou que o PP debe tomar nota sobre certas tendencias que se ven ao longo do tempo en determinadas enquisas, porque está nunha situación complicada e non é fácil gobernar coa maioría minoritaria que ten no Parlamento español.
Neste sentido, apuntou que o PP ten que actuar para que moitas das cousas boas que se están a facer desde o goberno, comezando pola situación catalana, sexan percibidas pola opinio´n pública e se traduzan nun apoio electoral. Neste sentido, avogou porque o discurso político non só ten que ser capaz de vender o que se está a facer e se fixo ben, senón que ser capaz de ilusionar cara ao futuro.
No caso de Galicia, Pedro Puy explicou que a base do éxito do PPdeG radica en que, ademais de facer as cousas ben e saber afrontar proxectos novos que xorden, mantemos un proxecto de futuro que está traducido tanto en documentos parlamentarios como na acción política que se fai desde o goberno.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
