Buscador
Noticias
A conselleira do Mar, Rosa Quintana, durante o pleno do Consello Galego de Pesca, explicou que o obxectivo é estar preparados para xustificar os intereses da frota pesqueira galega ante a decisión de Reino Unido de abandonar a Unión Europea. Este grupo súmase ao composto polas rexións da fachada atlántica europea, que coordinará Galicia e que estudará o impacto do Brexit.
Teatro do Miolo, Yazabro, Palimoquiños e Espazo 10 Teatro guiarán intervencións en diversos establecementos e espazos urbáns da capital luguesa para poñer en valor o traballo das compañías profesionais de teatro existentes na cidade de Lugo, no marco do XXIII Festival de Teatro.
O Concello da Coruña destacou a alta participación de cociñeiras, cociñeiros e profesionais da hostalería locais no evento, ao que asistiron máis de 23.000 persoas e que contou por vez primeira co gastrofestival A Coruña Sabe, unha boa oportunidade para visibilizar a oferta culinaria da cidade e que terá continuidade nos próximos anos, según o concello.
Segue a aumentar en 2016, en cambio, o número de galegos xa nados no Exterior. Os cidadáns que xa residían fóra e adquiriron a nacionalidade, e os fillos de galegos da diáspora, configuran as novas incorporacións ao PERE. O número de galegos nados en Galicia e residentes no Exterior (emigrantes) redúcese en 615 persoas, según o INE.
Inaugúrase en Fonseca a mostra A cidade no tempo que dá conta da cidade compostelá a través da cámara de Manolo Blanco, poñendo en valor o fotoxornalismo e o labor gráfico desempeñado por un fotógrafo que xa é tamén parte da historia de Compostela retratando a vida cotiá, o barullo das prazas, o mercado, as protestas, a Universidade, as festas
O titular da Xunta asistiu ao acto de adhesión de Cantabria á Macrorrexión de Rexións do Suroeste de Europa e incidiu en que o financiamento do sistema de benestar recolla o custo real dos servizos para que todas as persoas poidan acceder a eles en igualdade. Refírese ao envellecemento da poboación como a maior ameaza á que deben facer fronte os territorios.
A compañía de Teatro Voadora representa a súa versión do Soño dunha noite de verán, de William Shakespeare, dentro do ciclo Teatro & Danza da Concellaría de Acción Cultural. Con dirección de Marta Pazos, faise unha versión libre que afonda en temas profundos e actuais como a revolución feminista ou a realidade de xénero, en clave poética, divertida e musical.
A iniciativa reúne o 2 de xuño en Mondoñedo a rapaces e rapazas dos conservatorios profesionais de música de Galicia, que cantarán os versos de Cunqueiro, Noriega Varela, Díaz-Jácome, Leiras Pulpeiro e Iglesia Alvariño para poñer en valor a poesía e a música na transmisión da cultura e da lingua, e recoñecer o esforzo do alumnado de música.
O presidente da Xunta visitou o Castelo de Pambre, en Palas de Rei (Lugo), e destacou a súa rehabilitación como unha obra patrimonio de todos os galegos que contribuirá a engrandecer os Camiños de Santiagoe reforzar o potencial do Camiño para que 2017 volva ser un ano récord de peregrinos como foi 2016 e para preparar o mellor Ano Santo Xacobeo no vindeiro 2021.
Estarán representadas preto de 20 cooperativas que poderán establecer contactos e relacións comerciais, ao tempo que participarán en encontros con 12 importadores estranxeiros. Xunta e Consello Galego de Cooperativas contarán cun stand no evento onde se informará sobre as vantaxes da economía social e as súas potencialidades.
