Buscador
Noticias
Impulsada por Turismo de Galicia para promover a experiencia turística a carón da Ruta da Camelia e as bodegas da D.O Rías Baixas, a iniciativa incluíu catas, a instalación dun bosque de camelias e encontros con usuarios de Instagram. Tras o seu exitoso paso por Bilbao, a campaña recala en abril na viñoteca Lukas Gourmet de San Sebastián.
Celébrase entre os días 30 de marzo e 2 de abril por toda Galicia e que terá a súa sede na Coruña. 8 compañías de teatro de todo o Estado inclúen no seu elenco actrices e actores con discapacidade visual: La Luciérnaga (Madrid), La Ruina (Albacete), Muxicas (Ourense), Orozú Teatro (Cádiz), Sa Boira (Baleares), Samaruc (Valencia), Sarau (Barcelona) e Valacar, que é un grupo da Coruña.
Compromiso para facer política con maiúsculas e devolverlle a esperanza ás persoas que a perderon nestes anos de crise, proclamou Ana Pontón de cara á celebración da XVI Asamblea Nacional do BNG. Consolida a renovación xeracional desde unha lista elaborada coas propostas das bases que será votada pola militancia.
O concurso contou coa participación de preto de 600 mozos e mozas que enviaron as súas mensaxes e votaron durante as catro semanas nas que se desenvolveu. O xurado concedeu os seis premios a outras tantas mensaxes elixidas de entre as máis votadas no concurso, polo grao de elaboración, orixinalidade e calidade lingüística das súas declaracións de amor.
Durante o acto de entrega destacouse a importancia da especialización dos traballadores desta industria, que a Xunta está a apoiar a través do primeiro plan sectorial de formación ao que se destinan 12 millóns de euros. Lembrouse que o conxunto do sector en Galicia logrou proxectos por máis de 2.300 millóns e sinala que a Xunta está a acompañar ao naval galego na súa aposta pola innovación.
Fomentar a creatividade da mocidade universitaria e desenvolver a súa capacidade de expresión en lingua galega, así como contribuír a descubrir potenciais figuras para a nosa literatura son os obxectivos que guían a Comisión de Normalización Lingüística da Facultade de Filoloxía da USC para convocar por terceira vez o Concurso literario Mazarelos.
A directora xeral de Pesca, Acuicultura e Innovación Tecnolóxica, visitou a feira co obxectivo de difundir os produtos pesqueiros galegos e apoiar ás empresas que participan no evento. A Seafood de Boston é o evento comercial de produtos marítimo-pesqueiros máis grande de América do Norte e este ano celebra a edición número 37.
A Editorial Galaxia presenta a primeira biografía do escritor Carlos Casares (1941-2002), ao que se homenaxea este ano coas Letras Galegas. O director da editorial, Francisco Castro, e o escritor do volume, o profesor da USC Henrique Monteagudo presentan a obra en Compostela.
Puy avanzou que non imos utilizar a Comisión de Investigación sobre as antigas caixas galegas como un instrumento de liorta política. Temos a conciencia tranquila. Galicia é unha das poucas comunidades autónomas que traballou por manter unha entidade domiciliada no seu territorio, cun impacto tamén nos postos de traballo.
O Día Mundial da Poesía, que se celebra todos os 21 de marzo tras a declaración por parte da Unesco en 1999, homenaxea nesta edición de 2017 ao poeta Miguel Hernández en Compostela, nun acto no que participan os escritores María do Cebreiro, Rosalía Fernández, Helena Villar Janeiro, Xesús Rábade e Alba Cid. Ademais, haberá un concerto didáctico a cargo do músico Paco Damas.
