miércoles, 12 de agosto de 2026
Nota de prensa remitida por el Gabinete de Comunicación de En Marea:
Ademáis de poder levar todos os asuntos relativos a Galicia en todas as comisións da Cámara, En Marea ostentará no Congreso dos Deputados as portavocías do conxunto do Grupo Confederal nas comisións de Agricultura, Alimentación e Medio Ambiente, a través de Antón Gómez-Reino, e na de Cultura a través do deputado e escritor lugués Miguel Anxo Fernán Vello.
Polo seu interese estratéxico para o noso país, En Marea será a voz do conxunto do espazo do cambio na comisión de Agricultura, na que se dirimen asuntos fundamentais para os sectores produtivos do noso país como son o lácteo ou o cerco, e compartirá a de Industria, Enerxía e Turismo con En Comù-Podem, correspondéndolle á deputada galega Yolanda Díaz a portavocía titular e a vicepresidencia en todos os asuntos relativos a Industria, tanto en comisión como en pleno, sendo o deputado catalán Josep Vendrell o encargado das cuestións enerxéticas. Na Comisión de Igualdade será portavoz adxunta e vicepresidenta a deputada de En Marea Ángela Rodríguez.
A falta de que a semana que vén queden constituidas a totalidade das comisións lexislativas permanentes da Cámara Baixa, En Marea chegou xa a un acordo cos seus aliados no Grupo Parlamentario de Podemos-En Comú-En Marea que permitirá garantir a presenza da Agrupación Parlamentaria Galega a través dos seus 6 deputados e deputadas en todas as comisións, agás Defensa. En todas as comisións do Congreso das que forman os deputados e deputadas serán portavoces de En Marea. Alexandra Fernández será a portavoz de En Marea na comisión de Fomento e David Bruzos na comisión de Educación e Deporte.
Doutra banda, o acordo ao que chegou o conxunto do Grupo Confederal garante a capacidade dos/as parlamentarios/as de En Marea de poder presentar e defender todas as iniciativas relacionadas con Galicia no marco das súas respectivas comisións.
Nos vindeiros días, En Marea rexistrará as súas primeiras iniciativas parlamentarias, focalizadas nos aspectos prioritarios sinalados no programa co que concurriu ás eleccións do pasado 20 de decembro.
No Senado, Vanessa Angustia será a portavoz de En Marea na Comisión de Agricultura, Pesca e Alimentación e José García Buitrón na de Sanidade e Servizos Sociais.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
