miércoles, 12 de agosto de 2026
Nota de prensa del Gabinete de Comunicación de En Marea:
A portavoz de En Marea, Alexandra Fernández, volveu a comunicarlle a Felipe de Borbón a disposición da confluencia para apoiar un goberno alternativo ás políticas de recortes do Partido Popular. O desexo de cambio político é maioritario entre a cidadanía. En Galicia e no conxunto do Estado. Hai que atender ese mandato democrático da cidadanía, dixo Alexandra Fernández.
Dende En Marea tamén se lle trasladou ao Xefe do Estado o profundo malestar polas actuacións do Goberno en funcións de Mariano Rajoy, concretamente a ampliación da prórroga a ENCE na ría de Pontevedra. Dixémoslle que nos parece unha cacicada e un nefasto exemplo de como funcionan as portas xiratorias pois casualmente xente que hoxe ocupa postos no consello de administración de ENCE foron destacados cargos do Partido Popular, denunciou Alexandra Fernández.
Con respecto ao posicionamento sobre o debate de investidura, dende En Marea confiamos en que o PSOE non ceda á tentación conservadora do felipismo zombi. Deben escoller entre cambio ou gran decepción e non decidir pensando nos consellos de administración nin nos intereses de Felipe González. Facemos un especial chamamento ao PsdeG para se comprometa co goberno de cambio. A súa decisión compromete o futuro de cambio en Galicia. Unha coalición co PP sería darlle osíxeno ao goberno moribundo de Núñez Feijóo, declarou Alexandra Fernández.
Na conversa con Felipe VI, que se prolongou durante algo máis de 40 minutos, Alexandra Fernández tamén manifestou a oportunidade deste momento político para establecer acordos que dean lugar unha redemocratización das institucións, revirtan as políticas de recortes e xeren unha nova arquitectura baseada no recoñecemento plurinacional e no dereito a decidir. Existe unha realidade plurinacional neste Estado que non se vai resolver quedándose inmóbil. De momento non vimos unha resposta concreta do PSOE, tan só un pactos na Mesa do Congreso para que non se vexa representada esa plurinacionalidade no hemiciclo, concluíu a portavoz de En Marea.
Fotografía: Gabinete de Comunicación de En Marea
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
