domingo, 25 de octubre de 2026
Nota de prensa remitida por el Gabinete de Comunicación de la Xunta de Galicia:
O secretario xeral de Cultura, Anxo Lorenzo, salientou que a efeméride dos 150 anos do nacemento de Ramón María del Valle-Inclán constitúe un marco singular e significativo para reforzar a difusión pública do seu legado. Por iso dixo desde a Consellería de Cultura e Educación, en colaboración coas principais entidades vinculadas co dramaturgo, imos apoiar durante este ano unha programación especial de actividades conmemorativas que presentaremos proximamente e que se desenvolverán ao longo do ano.
Unha das entidades que participará activamente nesta celebración será o Museo Valle-Inclán da Pobra do Caramiñal, onde o secretario xeral participou na inauguración da exposición Outros verbos, novas lecturas: Valle-Inclán traducido (1906-1936) esta mañá, no día no que se cumpren 40 anos da declaración de monumento histórico-artístico de carácter nacional da Torre de Bermúdez, un lugar de fonda significación valleinclaniana e sede da institución museística.
O Consello da Cultura Galega promove esta exposición, que afonda na dimensión internacional do escritor a raíz das traducións das súas obras a outras linguas. En representación da institución interviu no acto o seu presidente, Ramón Villares, xunto co alcalde da Pobra do Caramiñal, Xosé Lois Piñeiro García; a comisaria da mostra e investigadora da cátedra Valle-Inclán da Universidade de Santiago de Compostela (USC), Rosario Mascato Rey, e o director do museo, Antonio González Millán.
As traducións da súa obra a outras linguas, realizadas en vida do autor, dan conta da súa proxección exterior, do interese que espertou entre os seus coetáneos, en diferentes lugares do mundo, a obra atemporal e moderna dun escritor universal que mantivo unha estreita vinculación coas súas orixes galegas, comentou Anxo Lorenzo.
A exposición do Consello da Cultura Galega permanecerá no Museo Valle-Inclán da Pobra do Caramiñal ata o vindeiro 10 de febreiro, logo do seu paso polo Colexio de Fonseca, sede da Biblioteca Central da USC; polo Instituto Cervantes de Lisboa, pola Academia de España en Roma, e pola Casa Museo do Cuadrante en Vilanova de Arousa, entre outros espazos.
Formada por catorce paneis que afondan na dimensión menos coñecida de Valle-Inclán, a exposición amosa o proceso de difusión da súa obra no ámbito internacional a raíz das súas traducións, derivada tanto do interese dos seus coetáneos pola súa obra como do seu proceso de intervención na difusión desta, principalmente a través das viaxes ao estranxeiro e dos contactos con intelectuais de diferentes procedencias.
Os múltiples lazos do escritor co mundo saxón (Estados Unidos e Reino Unido), con Europa (Francia, Portugal e Italia) e, tamén, cos países do Leste están presentes no proxecto expositivo sobre Valle-Inclán, cuxa obra foi traducida ao sueco, ao francés ao romanés, ao portugués, ao polaco, ao letón, ao italiano, ao islandés, ao inglés, ao húngaro, ao holandés, ao búlgaro e ao checo.
Fotografía: Gabinete de Comunicación de la Xunta de Galicia
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
