sábado, 7 de noviembre de 2026
Nota de prensa remitida por el Gabinete de Comunicación del PPdeG:
O Parlamento galego acolle o martes 22 e mércores 23 de decembro a celebración de tres sesións plenarias, dúas específicas e unha ordinaria. Nas específicas, se procederá ao debate e aprobación dos orzamentos da Xunta para 2016 e a elección dos tres novos senadores en representación da autonomía. Pola súa banda, na ordinaria, aprobaranse a Lei de medidas fiscais e administrativas e a Lei de transparencia e bo goberno, e inclúe tres preguntas ao Presidente, tres interpelacións ao Goberno galego, tres mocións e unha proposicións non de lei da oposición, todas a iniciativa dos grupos da oposición.
O portavoz do Grupo Popular, Pedro Puy, explicou que o primeiro pleno do martes 22 de decembro terá como obxectivo a aprobación definitiva dos orzamentos da Comunidade Autónoma para o vindeiro ano. Neste sentido, Puy explicou que será a primeira vez que este debate se desenvolva conforme ao recollido na recente reforma do regulamento, de xeito que se substitúe o debate breve de cada unha das seccións (que xa foron debatidas unha por unha na Comisión 3ª) por un máis longo onde os portavoces terán dúas quendas de 30 e 10 minutos, respectivamente.
A sesión continuará pola tarde co debate de aprobación do texto articulado dos orzamentos, que terá o trámite habitual de todos os textos lexislativos (dúas intervencións de 15 e 5 minutos para cada portavoz de grupo parlamentario). O pleno rematará coa votación de cada unha das seccións das contas públicas e do articulado.
A xornada parlamentaria do mércores, 23 de decembro, dará comezo cun pleno específico para a elección dos senadores en representación autonómica. Pedro Puy explicou que, segundo se recolle na normativa, a Galicia correspóndelle a designación de tres senadores, dos que dous son a proposta do Grupo Popular e un do grupo socialista, en función da representación proporcional de cada formación no Parlamento galego.
O prazo de presentación de candidaturas rematará o vindeiro martes, 22 de xaneiro, ás 18.30 horas, e o obxectivo é que a Comunidade galega estea representada cos seus senadores autonómicos na sesión constitutiva do novo Senado, que terá lugar o 13 de xaneiro, sinalou Puy.
A continuación celebrarase o Pleno ordinario, que nesta ocasión pola restrición temporal motivada pola convocatoria das eleccións xerais e por un amplo acordo dos grupos parlamentarios porase especial énfase nas iniciativas de control ao Presidente e ao Goberno galego.
O portavoz popular concretou que esta sesión plenaria incluirá, ademais do debate a iniciativa do Goberno e para a súa aprobación da Lei de Medidas Fiscais e Administrativas e da Lei de Transparencia, as tres preguntas ao Presidente da Xunta, tres interpelacións, tres mocións e unha proposición non de lei, todo elo a cargo dos grupos da oposición.
A modo de resumo, Pedro Puy apuntou que o Parlamento galego acollerá ao longo do mes de decembro a celebración de 10 mesas de comisión, 24 comisións parlamentarias e catro sesións plenarias e catro días.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
