miércoles, 12 de agosto de 2026
Nota de prensa del Gabinete de Comunicación del PPdeG:
O portavoz dos populares galegos, Miguel Tellado, fixo unha valoración das candidaturas populares que se fixeron públicas de cara ás Eleccións Xerais do 20 de decembro. Na súa comparecencia en rolda de prensa, Tellado salientou que presentan unha candidatura cunha media de idade en torno aos 48 anos, rebaixando en case dous anos a das listas pasadas e que supón unha aposta polo rexuvenecemento.
En canto aos perfís dos candidatos, o voceiro sinalou que para as cabezas de lista quedou claro que deron prioridade á experiencia acreditada na xestión como é o caso de Ana Pastor en Pontevedra; á experiencia parlamentaria, co exemplo claro de Joaquín García Díez en Lugo; valoraron a traxectoria no ámbito municipal no caso de Miguel Lorenzo en A Coruña; e tamén apostaron pola incorporación de persoas relevantes na sociedade civil como é o caso de Miguel Viso en Ourense.
En canto ao resto de integrantes que completan as listas, Tellado sinalou que son persoas que aportan a súa experiencia parlamentaria previa como o caso de Ana Belén Vázquez, Celso Delgado, José Manuel Barreiro, Tristana Moraleja ou Jaime de Olano. A estes nomes únense novas incorporacións que aportarán a súa traxectoria noutras institucións ou Cámaras como Juan Juncal, que pasa do Senado ao Congreso; Paula Prado que cambia o Parlamento Galego polo Senado, e Pilar Rojo, que deixa a presidencia do Parlamento de Galicia para incorporarse ás candidaturas.
O voceiro tamén sinalou que os candidatos son persoas que van dende os 29 anos ata os 73 porque aspiramos a representar a todos, aos máis novos e aos de maior idade.
Presentamos desde a humildade a un equipo altamente preparado que chega á política para aportar unha ampla traxectoria lexislativa e unha dilatada carreira parlamentaria e que ocuparán postos nas Cortes Xerais do Estado durante a próxima lexislatura, que consideramos trascendental. Nese sentido explicou que España ten o reto de consolidar a recuperación económica e que ten que servir para blindar dende a solvencia e xestión o noso e Estado de Benestar, dixo Tellado.
Ademais, o portavoz dixo que teñen ante eles o reto que supón unha acción egoísta e irresponsable dos que queren rachar con España e con 40 anos de convivencia pacífica e democrática que teñen permitido que o país acadase os niveis máis altos de benestar social. Así, o PPdeG quere contribuír cos seus mellores activos para defender o marco de convivencia que é a Constitución e que é a nosa democracia.
Non improvisaremos e por iso mandamos a persoas con traxectorias profesionais contrastadas que levarán a voz de Galicia á Cámara Alta e á Cámara Baixa, asegurou Tellado ao tempo que engadiu que se trata de deputados de goberno que defenderán alí os intereses dos galegos. Pedímoslles que traballen arreo dende o primeiro día para acadar os obxectivos do PPdeG.
Nesa liña salientou que o obxectivo político do seu partido é gañar as eleccións e sacar máis deputados que o resto de formacións políticas que compiten con eles porque queremos os mellores resultados posibles xa que cremos que é o mellor para España e para Galicia, sentenciou.
Fotografía: Gabinete de Comunicación del PPdeG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
