sábado, 7 de noviembre de 2026
Nota de prensa remitida por el Gabinete de Comunicación del BNG:
O BNG confía que o debate do estado da nación sexa o último que protagoniza o actual presidente da Xunta e se peche o ciclo Feijóo caracterizado polos recortes, polo abandono dos sectores produtivos, pola emigración e o declive económico e demográfico do país.
Será o balance dun fracaso, da falta de proxecto de Feijóo que deixa un país esnaquizado. É o final de todo un ciclo de recortes, en benestar, en servizos públicos e sociais, cos sectores produtivos desmantelados, un ciclo de declive económico e demográfico, sintetizou o portavoz nacional, Xavier Vence, quen avanzou que o BNG, tras facer unha diagnose realista da situación, presentará 40 propostas de resolución para un proxecto de país.
Propostas orientadas á maioría social, enfocadas a crear emprego e a manter o benestar social preservando a calidade e universalidade dos servizos públicos. Para iso, Vence insistiu na necesidade de ter novas ferramentas para defender a nosa xente, aos sectores produtivos e para poder construír futuro.
No económico, as propostas de resolución apostan por un novo marco financeiro e fiscal xustos que permitan obter recursos para manter servizos públicos de calidade, medidas para que o sector primario podar defenderse fronte ao poder das cadeas de distribución que impón condicións leoninas. Igualmente, o Bloque presentará no debate medidas como a tarifa eléctrica galega, que favoreza a competitividade das empresas e abarate a factura das familias.
Entre as propostas de resolución, medidas a favor do I+D+i, dotación de bolsas para os e as estudantes, así como material escolar gratuíto para as familias con dificultades. En términos de financiamento da economía, o Bloque defenderá no debate do estado da nación a creación dunha banca pública e dun instituto de crédito que canalicen o aforro galego para o investimento interior e permitan cubrir as necesidades da empresa e dos particulares do país.
Vence deixou claro que o BNG fará un relato real da situación de Galiza fronte a propaganda que despregará Feijóo na súa intervención para agochar a realidade dun país que se desfai a cachos como consecuencia das políticas nefastas do PP ao longo destes anos.
O Bloque ofrecerá na Cámara medidas valentes e potentes para preservar as conquistas sociais, os servizos públicos, defender os nosos sectores produtivos, crear emprego para frear a sangría migratoria que non podemos soportar máis, concluíu Vence.
Fotografía: Gabinete de Comunicación de la Xunta de Galicia.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
