domingo, 16 de agosto de 2026
Nota de prensa remitida por el Gabinete de Comunicación de la Xunta de Galicia:
Galicia pechou o mes de setembro cun total de 215.737 persoas desempregadas, o que supón un incremento do 0,94% con respecto ao mes anterior (+2.005 persoas).
A directora xeral de Emprego e Formación, Ana María Díaz, puxo en valor o comportamento interanual do paro rexistrado en Galicia, posto que xa se acumulan case dous anos de descensos interanuais consecutivos. En concreto, esta é a vixésimo terceira baixada. Así, este setembro o paro descendeu en 22.466 persoas (-9,43%) con respecto ao mesmo mes do ano anterior, o que supón a segunda maior baixada interanual dun mes de setembro de toda a serie histórica, isto é, desde 1996.
Grazas a este comportamento, Galicia volve a niveis de paro inferiores aos que existían en 2010, polo que hoxe temos menos inscritos nas oficinas dos que había hai cinco anos.
En España, o desemprego aumentou en 26.087 persoas, un 0,64 por cento, ata situarse nos 4.094.042 parados. En termos interanuais, o paro en España diminuíu nun 7,95%, polo que Galicia sitúase por riba da media estatal nesta evolución.
Por sectores, o aumento do desemprego mensual concéntrase exclusivamente no sector servizos (+3.260), debido ao remate da tempada estival, mentres que descende nos restantes. Destaca especialmente o bo comportamento da construción (-753) e da industria (-357), sectores que non están tan condicionados polo final do verán. Tamén baixa no colectivo sen emprego anterior (-73) e na agricultura e a pesca (-72).
Por provincias, o desemprego incrementouse en todas elas, agás en Ourense, onde baixa en 58 persoas. Aumenta especialmente en Pontevedra (+1.391), seguida por Lugo (+492), e A Coruña (+180).
Na evolución dos contratos, este mes rexistráronse un total de 87.553 contratos, 11.589 máis que no mes anterior. Deste total, 6.097 foron indefinidos (6,96%), e 81.456 temporais (93,04%). No eido dos contratos, tamén se rexistra unha interanual positiva do 8,95%.
Nota de prensa del Gabinete de Comunicación de CC.OO.-Galicia:
Sindicato Nacional de Comisións Obreiras (CCOO) sinala que, tal e como advertira nos últimos meses, o remate das contratacións precarias, ligadas á tempada estival, trae consigo un incremento do desemprego. Os datos do mes de setembro reflicten que en Galicia non hai nin recuperación nin emprego; ademais, o aumento do paro é maior ca a media estatal.
Maica Bouza, secretaria de Emprego de CCOO
Maica Bouza, secretaria de Emprego de CCOO
Para a secretaria de Emprego de CCOO, Maica Bouza, o remate do verán «reflicte con crueza» cal é a «verdadeira situación da economía galega»: menos emprego, máis paro e emerxencia social nunha economía «que non supera a crise porque non se desenvolven as políticas necesarias».
En definitiva, setembro deixa máis persoas desempregadas no sector dos servizos, ao tempo que se mantén a desproporción entre a caída no emprego e a da afiliación, «evidenciando o incesante goteo de persoas que abandonan o mercado laboral por falta de expectativas».
Neste contexto, Bouza denuncia que o Goberno do estado vai aprobar uns orzamentos xerais para 2016 que non incorporan medidas para estimular a recuperación da actividade económica e, con ela, do emprego. «Aínda peor, recorta os recursos para a protección por desemprego», critica a sindicalista.
Por esta razón, a secretaria de Emprego de CCOO insta a Xunta de Galicia a lle esixir ao Goberno central «os recursos que nos corresponden en función da nosa poboación e o noso volume de desemprego». Tamén, que nos orzamentos do 2016 a Xunta «incorpore os recursos propios necesarios para garantir a protección social ás persoas desempregadas e para o financiamento das políticas de emprego acaídas para paliar a dramática situación do paro en Galicia, sen esquecer aqueloutras que favorezan a actividade».
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.
O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.
