viernes, 20 de junio de 2025
Nota de prensa remitida por el Gabinete de Comunicación del BNG:
O BNG reitera a súa vontade de contribuír a conformar unha candidatura galega de unidade para as eleccións xerais, sumando a toda a cidadanía e a todas as forzas políticas que apostan por dar a Galiza voz soberana no Congreso cun grupo parlamentario propio.
Neste sentido, o portavoz nacional, Xavier Vence, pide a Anova un compromiso activo coa mesma xenerosidade que ten amosado o Bloque renunciado as siglas e ao protagonismo, para poder contribuír a conformar esa candidatura galega de unidade que hoxe é un obxectivo e unha ilusión para moita xente deste país.
Pensamos que ten que haber un avance nesa candidatura unitaria onde esperamos que Anova se comprometa, porque ata agora non está participando activamente nas plataformas unitarias que se teñen formulado e que, desde o BNG, pensamos deben confluír, subliñou o portavoz nacional, Xavier Vence, a preguntas dos medios.
Esperamos que todo o mundo sume e podamos dar pasos o antes posible porque o tempo aprema, coa participación do máis amplo elenco de forzas políticas e, sobre todo, de cidadanía, salientou Vence, quen insta a chegar a acordos antes de falar de candidatos.
Non se empeza a casa polo tellado propoñendo nomes como candidatos antes de que haxa un acordo entre as forzas políticas e a cidadanía, argumentou. O primeiro paso é o acordo para conformar esa candidatura galega de unidade e despois falar de candidatos, subliñou, tras indicar que o Bloque aposta por un proceso de primarias para elixir aos candidatos e candidatas.
O BNG pensa que é preciso abrir un proceso de primarias para a elección de candidat@s, e se Anova e o señor Beiras se incorporan a esa candidatura unitaria, obviamente deberían participar nese proceso de primarias e estariamos encantados de que se presentase, explicou Vence.
A preguntas dos medios, o dirixente nacionalista insistiu en non poñer o carro diante dos bois, a non ser que a estratexia sexa outra, dixo, tras lembrar que Podemos xa ten anunciado que vai concorrer coas súas siglas. Parece que Beiras, nun diálogo bilateral con Podemos, se ofrece para poder ser candidato, indicou.
O Bloque considera que a ausencia de maiorías absolutas no próximo Congreso da especial relevancia ao obxectivo de que Galiza loite por ter grupo parlamentario propio, porque haberá máis capacidade de negociar con éxito a favor dos intereses dos galegos e galegas.
Fotografía: Gabinete de Comunicación del BNG
O festival desenvolverase no adro da sede da SGAE no parque de Vista Alegre, en Santiago de Compostela. O primeiro en ocupar o escenario será o rimador de Muros 9Louro, talento emerxente que segue a pegada doutros coñecidos grupos muradáns, como The Rapants ou Capital Voskov. Este mesmo ano lanzou o seu primeiro traballo discográfico, Nove noves, cunha variada mestura de funk, bachata, reguetón, trap e pop. A continuación, será a quenda da viguesa de ascendencia brasileira Lua de Santana.
O secretario xeral de Industria e Desenvolvemento Enerxético, Nicolás Vázquez, interveu na Conferencia da Alianza de Rexións Europeas con Industria da Automoción, onde defendeu a necesidade de que os fondos europeos que permiten apoiar os sectores industriais sigan sendo xestionados polas rexións. No encontro, celebrado no marco dos traballos para avanzar no Plan de Acción para o sector do automóbil que presentou a Comisión Europea en marzo, Nicolás Vázquez remarcou que Galicia é partidaria de que se manteña a descentralización dos fondos de cohesión.
