domingo, 8 de noviembre de 2026
Nota de prensa remitida por el Gabinete de Comunicación de AGE:
O grupo parlamentar de Alternativa Galega de Esquerda (AGE) esixirá explicacións á Xunta de Galicia, durante a Comisión 6º do Parlamento galego, sobre as xestións feitas dende a última poxa do servizo de interrumpibilidade en Alcoa. Para o grupo parlamentar de AGE é necesario aclarar por qué se permite a continuidade dun sistema que é caro para o consumidor, que paga no recibo por un servizo, o de interrumpibilidade, que non se presta, para que a empresa obteña millonarios beneficios, non reinvista e nin sequera se garantan os postos de traballo.
Como xa advertiu AGE hai un ano, non se pode manter indefinidamente a chantaxe da empresa, que utiliza os postos de traballo como arma para obter prebendas, e compren decisións que muden o marco enerxético aberrante que temos na actualidade. O deputado de AGE, Antón Sánchez, lembra que a empresa leva anos sen investir nas plantas galegas espreme unha situación derivada dunha vergoñenta, suma e segue, privatización, para investir no estranxeiro os beneficios.
Desgraciadamente temos a impresión de que nada cambiou en un ano e que nin Xunta nin o goberno español tomaron decisións ao respecto e a multinacional norteamericana pode seguir a extorsionar a Galiza coa ameaza do peche lamentou Antón Sánchez.
Así, AGE leva á comisión parlamentar a situación da fábrica de Alcoa mentres a viceportavoz de AGE, Yolanda Díaz, sumarase a concentración convocada polos traballadores diante da fábrica da Coruña como mostra de apoio as súas demandas.
Fotografía: Gabinete de Comunicación de AGE
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
