domingo, 8 de noviembre de 2026
Nota de prensa del Gabinete de Comunicación del PSdeG:
O portavoz de Agricultura do Grupo Socialista, Pablo García, acusou ao presidente da Xunta de non establecer medidas de apoio aos produtores de leite o que poden provocar unha reconversión encuberta a custe cero que se saldaría coa desaparición de boa parte das explotacións. Así o dixo nunha rolda de prensa na que esixiu a comparecencia de Feijóo para fixar no Parlamento a posición do goberno galego diante da difícil situación do sector.
O responsable socialista fixou o Pleno do día 15 de setembro como a data idónea para celebrar un debate monográfico coa comparecencia do presidente da Xunta, logo de que se teña celebrado a xuntanza do Consello de Ministros de Agricultura da UE prevista para o día 7. Advertiu que a día de hoxe seguimos sen coñecer os plantexamentos do goberno galego, e cales son as súas demandas para Madrid ou Bruxelas.
Pablo García sinalou que coa situación que está a atravesar o sector do leite, fundamental para Galicia como principal produtor do Estado, coa crise de prezos que está a atravesar, a desaparición do sistema de cotas e todo o sector mobilizado, ninguén entendería que Feijóo non fixera unha comparecencia monográfica sobre o lácteo no Parlamento.
Lembrou que os socialistas xa reclamaron a comezos do verán un Pleno Extraordinario sobre este tema e anunciou o seu respaldo ás propostas dos demais grupos neste sentido.
A data permitirá ademais avaliar as consecuencias de dita xuntanza na que a conselleira galega repite día tras día ter postas todas as súas esperanzas de éxito a pesares de que non teña feito nin unha soa xestión para que iso sexa así . Advertiu que un posible adianto das axudas da PAC sería un pobre resultado para a situación dos produtores, algo que se da por descontado e que a única outra proposta que coñecemos xa foi rexeitada onte polo Comisario Europeo que é a de que se suba o prezo de intervención.
García acusou o Goberno Galego de utilizar unha vez máis a tan perfeccionada técnica Feijóo, que consiste que diante de un problema non aportar nin unha soa solución e dedicar todos os esforzos a culpabilizar a todos os demais. Hoxe son os gandeiros galegos os que teñen que vender o leite a 0,2 euros, fronte aos 0,34 de Andalucía, Aragón ou mesmo Francia, advertiu que Feijóo ten un problema que non vai vir ninguén a solucionarlle, e o tempo corre en contra dos produtores galegos.
O deputado socialista demandou apoio para os produtores galegos, por canto son os únicos que perden cartos e pechan as explotacións non concordando coa conselleira que día que hai que defender a todos, ata agora os únicos que están perdendo cartos son os gandeiros e son ós que ela debería defender.
Criticou que a día de hoxe nin sequera sabemos para quén van ir eses 300 euros por vaca que prometeu a ministra de Agricultura sen ningún tipo de explicación sobre os requisitos nin as partidas previstas. O Ministro Francés en días pasados, en directo, en rolda de prensa pública veu a explicarlle á Ministra como había que facer as cousas, sen embargo nin a Ministra, nin Feijóo nin a Conselleira parecer ser que entenderon nada.
Esixiulle ao goberno galego que deixe de mirar para os gandeiros galegos e de acusalos de falla de organización cando é a propia Xunta, tal como lle dixo a ministra recentemente, a que non fixera os deberes no seu momento.
Foi o propio Feijóo, lembrou, quen boicoteou o intento fai 6 anos de crear un grupo lácteo galego con máis de 20 cooperativas implicadas, para despois constituír Alimentos Lácteos, que rematou cun investimento de 8 millóns de euros de fondos públicos nun proxecto que o único que tiña de solvente era que o presidente era do PP. Ese é o mesmo presidente que agora laia día tras día por un proxecto industrial para o noso leite.
Fotografía: Carlos Rodríguez Arias.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
