sábado, 7 de noviembre de 2026
Nota de prensa del Gabinete de Comunicación del PPdeG:
O secretario xeral do Partido Popular de Galicia, Alfonso Rueda, salientou que a convención que o PP celebra en Madrid servirá para conectar o partido moito máis coa sociedade, escoitar o que a xente nos ten que dicir, moito máis que ata o de agora, presentar unha imaxe nova do partido e poñer o partido a punto para as elecións xerais que van ser nuns meses.
Rueda manifestou que o Partido Popular é moito máis que os nosos militantes ou simpatizantes, con ser estes a parte fundamental, e considerou que non ten sentido non escoitar á sociedade e non ir por onde nos piden os cidadáns, empezando polos máis implicados que son os nosos simpatizantes.
Respecto das eleccións en primarias dos dirixentes do PP, apuntou que canto máis participe a mlitancia para decidir quen quere que dirixa os destinos do partido moitísimo mellor e amosou a súa satisfacción porque se vaia escoitar en serio á militancia e que sexa decisiva.
Alfonso Rueda dixo que en Galicia fomos os primeiros en darlle voz a militancia e lembrou que o Presidente do Partido Popular de Galicia desde 2006, Alberto Núñez Feijóo, é froito dun sistema de elección que pode ser moi achegado ao sistema de primarias que agora se plantexa aquí ou que plantexaron outros partidos. Así, explicou que naquel congreso se presentaran catro candidatos e a miliatancia falou e o elixiuno a el.
Deste xeito, cando Feijóo di que é froito dunhas primarias, creo que é a mellor mostra que é así e creo que foi un acerto despois de nove a anos da súa traxectoria como Presidente e o tempo que leva o Partido Popular de Galicia no goberno, sinalou.
O secretario xeral do PPdeG engadiu queremos seguir sendo un partido de Goberno en España, igual que en Galicia, polo que é necesario facer este tipo de xuntanzas onde, sobre todo, escoitar aos de fora, aos que siguen confiando no Partido Popular para seguir dirixindo os destinos da sociedade española, que queren que lles escoitemos para dicirnos as cousas que estamos facendo ben e que temos que seguir, e as cousas que temos que corrixir para seguir nesa primera posición.
Alfonso Rueda lembrou que en Galicia está previsto facer unha proposta similar, unha ponencia centrada en Galicia e co obxectivo de seguir sendo o partido que elixa o destino dos galegos. Esta xuntanza nos ven moi ben para escoitar e para estar en sintonía coa militancia do noso partido e a sociedade en xeral, rematou.
Fotografía: Gabinete de Comunicación del PPdeG
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
