sábado, 7 de noviembre de 2026
Nota de prensa del Gabinete de Comunicación de la CRTVG:
O secretario xeral dos socialistas galegos, José Ramón Gómez besteiro, demandoulle en Santiago ao presidente da Xunta, Alberto Núñez Feijóo, que se poña as pilas para desenvolver a lei de medios públicos do ano 2011, que segue sen mandato marco e contempla a profesionalización dos seus órganos de control internos, unha reducción do consello de administración e o nomeamento do director xeral por maioría reforzada.
Tras una reunión no Parlamento con representantes dos traballadores da CRTVG, o líder dos socialistas galegos fixo referencia á renovación dos órganos estatutarios pendentes e manifestou que o PP ten ansia para desenvolver o que lle interesa e non tanto o que non lle interesa.
A situación do ente público é preocupante e temos sen desenvolver una lei do ano 2011, cos problemas que isto provoca nun ente no que o PSdeG cre, afirmou Besteiro, que lembrou a caída da audiencia do medio e os problemas que atravesan moitos dos seus traballadores.
Por outra parte e a preguntas dos medios de comunicación, o secretario xeral do PSdeG apuntou que confío plenamente na miña inocencia e estou seguro de que pronto se poñerá fin a esta situación.
Cumpro co código étigo e sinto o respaldo do partido, son o secretario xeral do PSdeG e actúo como tal, a renuncia a ser neste momento senador por designación autonómica foi persoal e penso que axeitada, pero non se me pasou pola cabeza renunciar á secretaría xeral, aseverou.
Confío en que a imputación se levante, é a miña convicción e a miña previsión, falo con convencemento, co corazón pero tamén coa razón, engadiu Besteiro, que rematou apuntando que son una persoa extraordinariamente responsable e non boto en falta o apoio de ninguén, recibín moitas mostras de apoio nos últimos días.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
