martes, 21 de abril de 2026
Nota de prensa del Gabinete de Comunicación del Concello de Santiago:
O alcalde de Santiago, Mariño Noriega, e a concelleira de Políticas Sociais, Concha Fernández, mantiveron sendas xuntanzas con representantes da Rede Galega contra a Pobreza e de Stop Desafiuzamentos. Con estas reunións, en palabras do rexedor municipal, "quixemos simbolizar o que para nós é unha prioridade nesta lexislatura: erguer a bandeira social nas políticas do Concello".
Noriega fixou como obxectivo destas políticas sociais "a recuperación da dignidade da cidadanía, non a beneficencia". Neste sentido, resaltou a necesidade de "ir á raíz do problema, tratando tamén as causas e non só as consecuencias", e a aposta do Goberno municipal por "transversalizar as políticas sociais".
Aínda sendo consciente do carácter "estrutural" da exclusión de moitos cidadáns, o alcalde apuntou que dende o ámbito local se pode traballar non só para abordar as situacións de emerxencia, senón tamén para a inclusión e polo dereito destes cidadáns a "ter un teito e un traballo e a vivir con dignidade".
Na súa comparecencia ante os medios tras as dúas reunións, Martiño Noriega reiterou tamén o compromiso do Goberno municipal de duplicar o gasto social nos próximos orzamentos. A propósito disto, lembrou que o Concello de Santiago ocupa o segundo posto máis baixo en gasto social por habitante entre as grandes cidades galegas.
Tamén anunciou a intención a intención do Goberno local de participar en mesas sectoriais coas diversas entidades sociais, das que "temos moito que aprender". Situou este tipo contactos dentro das "dinámicas que hai que mudar".
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
