domingo, 8 de noviembre de 2026
Nota de prensa remitida por el Gabinete de Comunicación de la Xunta de Galicia:
Durante o Pleno, Feijóo referiuse tamén ás 12 sentencias do Tribunal Superior de Xustiza de Galicia que avalan a decisión do Goberno galego de anular o concurso eólico do bipartito; un concurso lembrou- cuestionado polo Consello Consultivo que dixo que tiña tachas de ilegalidade, polos propios membros do Goberno do bipartito e polos 55 recursos que ten aínda, remarcou.
Diante desta situación, o responsable autonómico subliñou que o actual Goberno tomou a decisión de derrogar o decreto, revisar o concurso e recuperar o tempo perdido. É dicir, cumprimos co compromiso de deixar sen efecto ese concurso con tachas de ilegalidade, incidiu.
O titular da Xunta concluíu precisando que, na actualidade, o 83% do concurso eólico de 2010 está xa en trámite, cunha execución de 800 millóns de euros e a xeración de 1.800 postos de traballo. E o canon eólico permitiu recadar 137 millóns que se están redistribuíndo nos concellos e na Xunta para facer, entre outras cousas, política social, engadiu.
Nota de prensa remitida por el Gabinete de Comunicación del BNG:
Qué opinión lle merece a sentenza do Tribunal Supremo que ratifica a ilegalidade da anulación do concurso eólico?, preguntou Jorquera a Feijóo.
Vostede chegou á Presidencia da Xunta apoiándose en grandes falsidades, a falsidade das fotos do anterior vicepresidente nun barco cunha persoa cuxa honorabilidade ninguén puxo en dúbida, fotos feitas anos antes de ser publicadas pero logo soubemos que existían outras fotos tamén en barcos, as súas, señor Feijóo cun coñecido narcotraficante.
Falsidades como a ilegalidade dun concurso eólico do que agora a Xustiza di que o seu goberno provocou unha situación de inseguridade xurídica e que a ilegalidade cometérona vostedes ao anulalo. Vai asumir responsabilidades ante a ilegalidade da suspensión do concurso eólico ou vai seguir mirando para outro lado?, concluíu Jorquera.
Tras a intervención do Presidente da Xunta que defendeu as súas políticas por non poder facer outra cousa por mor da crise económica
O parlamentario do BNG afirmou que aquela anulación foi unha decisión sectaria, irresponsábel e aínda por riba ilegal.
As consecuencias desa decisión, pagámolas todos e todas e esa ilegalidade pode dar lugar a múltiples reclamacións de indemnizacións ademais de supor a parálise e desfeita do sector eólico coa perda de milleiros de postos de traballo polo que, de novo, pediu responsabilidades ao Presidente da Xunta.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
