viernes, 4 de julio de 2025
Nota de prensa del Gabinete de Comunicación del PSdeG:
O Parlamento de Galicia aprobou unha proposición non de lei dos socialistas galegos para demandar ao Goberno de España e a Comisión Europea a necesidade de abordar de forma urxente a posta en marcha dun sistema de etiquetado que reflicta o país de procedencia da produción, e non só do envasado, do leite de consumo e do leite usada como ingrediente en produtos lácteos.
Na presentación da proposición, o portavoz de Medio Rural dos socialistas, Pablo García, lembrou que esta normativa de etiquetado xa se aplica en infinidade de produtos como son as carnes de vacún, porcino, aves, ovino e caprino.
Acabamos de coñecer un informe elaborado polo Comisario de Agricultura da Comisión Europea para dar resposta ao Regulamento 1169/2011, que require que a comisión avalíe a posibilidade de introducir o etiquetado obrigatorio da orixe para o leite de consumo e o leite usado como ingrediente en produtos lácteos, apuntou García.
Segundo explicou o deputado socialista, en dito informe se vén a reflectir que a indicación da orixe no etiquetado de produtos lácteos sería custosa e que é algo pouco demandado polo consumidor, engadindo que nin a Xunta non o Goberno central fixeron nada tras coñecer este documento.
Sería custosa para a industria xa que tería que cambiar o sistema de trazabilidade cando usara leite de diferentes orixes, isto é algo que xa ten manifestado en numerosas ocasións a Asociación de Industrias Lácteas Europea, que segundo a súa diagnose iso redundaría en maiores custos que tería que pagar o consumidor e que implicaría que o gandeiro cobraría menos, explicou.
En opinión de García, resulta obvio que o etiquetado en orixe promove o consumo da produción doméstica, e que polo tanto adoita beneficiar ós produtores dos países deficitarios como é o caso do mercado español, e prexudicar aos países excedentarios.
Fotografía: Carlos Rodríguez Arias
A cuarta edición do Festivalle dará comezo coa representación de Los cuernos de Don Friolera a cargo da Teatro del Canal. Durante os días seguintes, a programación desenvolverase por diferentes espazos de Vilanova de Arousa, onde se poderá gozar de La Rosa de Papel, de Teatro Tribueñe, compañía que tamén escenificará El embrujado. O peche do festival será para conmemorar o centenario este ano da estrea de La cabeza del Bautista coa proxección dun documental audiovisual inédito. Os vencellos persoais e profesionais entre os autores de Luces de Bohemia e Sempre en Galiza estarán presentes no Curso de Verán, que este certame celebra paralelamente ás representacións teatrais. A Xunta volve apoiar o certame de teatro Festivalle, que se dedica en exclusiva a obra, figura e legado de Ramón María del Valle-Inclán e que, neste 2025, se suma á celebración do Ano Castelao.
Trátase dunha nova medida de apoio ás familias no eido educativo, promovida pola Xunta de Galicia, para a desgravación fiscal pola adquisición de libros de texto e material escolar, a realizar no Imposto sobre a Renda das Persoas Físicas do ano 2026, correspondente ao exercicio de 2025. Para iso, ata o 31 de decembro deste ano as familias deberán gardar as facturas de compra para poder facer efectiva a desgravación na vindeira declaración da renda de 2026, podendo desgravar ata 105 euros por fillo matriculado en educación Primaria e Secundaria.
