miércoles, 12 de agosto de 2026
Nota de prensa del Gabinete de Comunicación del PPdeG:
O secretario xeral do PPdeG, Alfonso Rueda, declarou nunha entrevista ofrecida en Radio Líder que traballarán por recuperar a confianza da xente realizando os cambios necesarios, no marco do proceso que o partido faga a nivel nacional e en función de cando se celebren as Eleccións Xerais, feito polo que afirmou que o proceso ten que levarse a cabo sen presa pero sen pausa. Ademais, asegurou que os populares galegos realizarán nos próximos meses catro Congresos Provinciais, un Autonómico e os Locais pertinentes, sendo estas as ocasións onde, segundo as súas palabras, haberá que renovar persoas onde sexa preciso pero, sobre todo, ideas e formas de actuar.
O secretario xeral do PPdeG falou da actitude do PSOE en Galicia e aproveitou a oportunidade para comentar os criterios de actuacións dos socialistas en A Coruña, onde van apoiar a Podemos e non entrarán no goberno renunciando a facer o que prometían en campaña; en Ferrol, onde apoiarán a Podemos e si entrarán no goberno, e en Lugo, lugar no que aínda non se sabe o que farán; é dicir, criterios totalmente distintos dependendo da cidade pero co único obxectivo de que non goberne a lista máis votada en todas, o Partido Popular.
No tocante a gobernabilidade de municipios como Lugo, Rueda afirmou que ten claro que ao final Orozco renunciará dicindo que fai un gran sacrificio para que o PSOE poida poñer ao seu número dous e non perder a Alcaldía, evitando así que o candidato máis votado, o popular Jaime Castiñeira, goberne. Por outra banda, si se amosou máis optimista cos socialistas da cidade de Ourense, nos que confía en que sexan coherentes e deixen gobernar a Xesús Vázquez.
No caso de Vigo, Alfonso Rueda considera que o que hai que facer é reconstruír o PP nesa cidade e facer unha oposición férrea a ese discurso localista e anti Xunta de Caballero para conseguir mellores resultados, facendo as cousas ben e con tempo.
n vista ás vindeiras eleccións xerais, Rueda asegurou que o PP non ten medo as mareas, aos que define como grupos integrados por forzas que moitas veces son antagónicas entre si, pero si amosa todo o seu respecto como forzas políticas que son. No tocante a Ciudadanos, si asegurou que se son un partido coherente mirarán cara eles para completar as súas maiorías, pois considéranos unha forza política especialmente respectable e un partido para ter en contar á hora de pactar.
Por outra banda e con respecto aos rumores que sitúan ao líder do PPdeG, Alberto Núñez Feijóo, en Madrid, Rueda recordou que o nome do dirixente sempre está como un dos preferidos cando se fala de cambios, algo que significa que o fai moi ben no seu posto, tanto como presidente da Xunta como de líder do PPdeG. Malia isto, afirmou que se pode servir ao partido desde moitos lugares e Feijóo está no que ocupa actualmente, ademais de asegurar que o ve centrado en Galicia e sabendo que aquí quedan moitos problemas por resolver incluso no propio partido.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
