miércoles, 12 de agosto de 2026
Nota de prensa remitida por el Gabinete de Comunicación de AGE:
O portavoz de Alternativa Galega de Esquerda, Xosé Manuel Beiras, entregou aos medios de comunicación a documentación relativa á súa carreira profesional que acreditan máis de 42 anos de dedicación exclusiva á Universidade de Santiago de Compostela. A única excepción son 4 anos e 3 meses (do 22 outubro de 1999 ao 30 de xaneiro de 2004) en que solicitou servizos especiais e pasou a percibir o salario do Parlamento de Galicia. Na documentación achegada compróbase que durante máis de 15 anos Xosé Manuel Beiras exerceu tamén como deputado sen cobrar por este labor. A retribución como catedrático da universidade foi, nese tempo, única que recibía e cumprindo en todo momento coa dedicación marcada.
O 22 de outubro de 1999 Xosé Manuel Beiras, daquela portavoz e candidato á presidencia da Xunta polo BNG, ante o peso alcanzado polo partido, tomou a decisión de solicitar a situación de servizos especiais na universidade compostelá. Mantivo esta condición que mantivo ata 2004, cando deixou de ser deputado e volveu ao exercer na USC.
Outra proba da súa intensa actividade na Universidade de Santiago de Compostela foi o seu nomeamento como profesor emérito, para o que é condición indispensable contar cun período dilatado de docencia en exclusiva.
Xosé Manuel Beiras contestou con probas e documentos ás difamacións e mentiras difundidas polo presidente da Xunta Alberto Núñez Feijóo, quen o acusaba de levar máis de 30 anos vivindo do Parlamento. A realidade demostra unha vez máis que o presidente galego minte, difama, engana e fai fraude á cidadanía galega. Unha actitude que, segundo Beiras, deixa en evidencia a súa carencia do máis elementais de criterios morais e éticos e a súa estratexia de continuar a distribuír estupefacientes a través das súas difamacións.
A actitude do presidente da Xunta choca de xeito frontal coa miña. Eu podo ser moi duro coas miñas declaracións, tamén o era Valle-Inclán, pero nunca difamei a ninguén. Hoxe entrego a documentación que demostra a realidade sobre a miña carreira profesional, se outros fixeran o mesmo con, por exemplo, os contratos da Xunta de Galicia co narcotraficante Marcial Dorado poderíamos dicir entón que estamos en igualdade de condicións, así non. Nós estamos na decencia e outros están na indecencia, concluíu o portavoz de Alternativa Galega de Esquerda.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
