sábado, 7 de noviembre de 2026
Nota de prensa del Gabinete del PSdeG:
O secretario xeral do PSOE, Pedro Sánchez, comprometeuse en Lugo a levar ao Congreso dos Deputados a demanda dos socialistas e veciños da provincia para contar cun servizo de hemodinámica 24 horas e radioterapia no HULA.
Sánchez, xunto ao secretario xeral do PSdeG, José Ramón Gómez Besteiro, participou nun encontro con enfermos afectados pola ausencia do servizo de hemodinámica e os tres puxéronse a camiseta co lema Que non che rouben o corazón! da campaña Pon a Camiseta, na que se demandan tamén unidades de radioterapia e mediciña nuclear.
O deterioro do estado de benestar provoca unha sociedade desigual, a reivindicación dos lucenses é xusta e os socialistas a levaremos ao Congreso dos Deputados, hai recursos para atender as principais demandas e na sanidade non podemos ter precariedade, afirmou o secretario xeral do PSOE.
Para Pedro Sánchez, esta situación provoca cidadáns de primeira e de segunda, as medidas de recurtes na sanidade de Rajoy son dramáticas e o seguidismo de Feijóo aquí en Galicia lévanos a unha sociedade peor, temos que defender os servizos públicos.
Pola súa parte, Besteiro manifestou que non hai excusas, o que pasa realmente é que a Xunta de Feijóo non ten nin vontade política nin humanidade, a Deputación de Lugo comprometeuse a colaborar e aínda non tivemos una resposta.
O PP é insensible, Lugo non quere ser nin máis nin menos que o resto, levaremos ao Parlamento de Galicia esta causa que une a toda a provincia, e Feijóo e o seu goberno terán que facer pública a súa postura, a saúde está por encima de idearios políticos, aseverou.
No acto, o alcalde de Lugo, Xosé López Orozco, recoñeceu que os enfermos e os veciños moveron o noso corazón desde o principio, pero esta provincia non pode seguir así, esta batalla temos que gañala porque estamos falando da saúde das persoas.
Por último, José Dono, enfermo de cancro e que sufriu tamén un infarto, relatou como tivo que ir en coche á Coruña para que me atenderan, eu só quero os mesmos servizos que teñen o resto dos galegos.
Fotografía: http://www.psdeg-psoe.com
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
